掃呢頁CODE去手機

2014年12月26日 星期五

[忽然1周 - 1013] 貪靚細細粒:影得我瘦啲 細細粒,MW,




就算係明星,都同大家一樣,去平民化曬相店影證件相。細細粒都唔例外,仲扮到好靚拎住個 Chanel小手袋,行頭贏晒。

媽咪姐

貪靚細細粒:影得我瘦啲

講開 Benz雄,佢戲中嘅老婆細細粒(陳嘉佳)呢日為咗攞美國簽證,去曬相店影證件相。但大家都知,要影一張靚得嚟要瘦又好精神嘅證件相,並唔係一件易事。

媽咪姐呢日見到細細粒入咗間舖頭,講咗兩句就拎部手機出嚟。原來佢冇帶鏡,拎手機出嚟當鏡用,之後就埋位等影相。佢一坐低就俾壓力攝影哥哥,叫人哋影得佢「瘦啲」。 Well,真係好考功夫囉。雖然揀相睇嚟唔多滿意,但佢都好有禮貌,俾錢嗰陣講咗句「唔該!」冇難為攝影哥哥,真係 nice嘅啫!

話晒張相有排用,扮靚啲都好應該,細細粒埋位之前,梗係要補吓妝。之但係用手機當鏡,有色差㗎喎?

影咗幾張後,細細粒都好認真,要攝影哥哥俾佢揀相。但睇佢心大心細唔知揀邊張好。

睇番細細粒之前嘅證件相,又真係有需要影過張嘅。



鍾意就快D Share啦!