掃呢頁CODE去手機

2015年4月9日 星期四

合久必分 賺少咗拒續約 陳奐仁俾 Paco爆粗 [壹週刊 - 1309] Paco,陳奐仁,黃柏高,M1,



又話衝出香港?(設計對白)

探熱針

合久必分 賺少咗拒續約 陳奐仁俾 Paco爆粗

與太陽娛樂文化三年經理人及唱片合約剛滿的陳奐仁( Hanjin),由於公司一直將他的接 job叫價定在高位,過去幾年有價冇市,收入大減,所以決定約滿離巢,改由老婆 Prima繼續做經理人。

拒絕續約,此舉令 Paco黃柏高甚為不滿,早前在一個春茗飲多兩杯後,竟當眾爆粗,大罵陳奐仁十五分鐘,雙方不歡而散。

個市唔就啫!(設計對白)

飲多兩杯

當年 Paco重金禮聘陳奐仁過檔,形容自己執到金礦,矢言會幫對方衝出香港。但三年下來, Hanjin的工作量愈來愈少,所以決定離巢,因而令 Paco不滿,飲大幾杯,更忍不住過枱爆粗,當面大罵。

「春茗在場嘅都係圈中人,所以大家好尷尬, Paco愈鬧愈勞氣, Hanjin老婆見唔對路,索性拉老公走開。其實只係大家理念唔同, Paco唔想 Hanjin亂接嘢,覺得佢應該揀 job,所以將佢由六萬唱三首歌,提高到廿萬唱三首,個價高咗咁多,自然少咗人搵呢幾年 Hanjin少咗嘢做,所以佢寧願叫老婆幫佢,反正之前都係 Prima做佢經理人。」知情人說。

現正籌備新碟和年尾開小型音樂會的 Hanjin,已簽約無綫,做埋藝員拍劇。

太陽娛樂旗下有不少藝人,而 Paco昔日愛將許志安及方力申都陸續回巢。

陳奐仁在太陽娛樂時,雖然曾舉行演唱會,但都屬細型製作。

有過情緒病的陳奐仁,曾經出書為學生打氣,容祖兒也有出現撐場。

報價唔透明

Prima接受本刊訪問時,直認老公回復自由身。

壹:壹週刊  P: Prima

壹: Hanjin而家要搏命搵番之前賺少咗嘅錢?

P:喺舊公司都搏命,但過去三年確實係靜咗啲,有冇嘢做睇到㗎,係冇咁忙嘅。

壹:因為舊公司幫 Hanjin叫價太高?

P:呢樣嘢我就唔知,因為佢哋唔會同我哋講番報價係幾多,不過過往我做 Hanjin經理人時,佢一年有二百日都出咗去做嘢,呢幾年就冇咁忙囉!

壹:唔再簽公司?

P:我老公鍾意試新嘢,自由身就可以同唔同公司合作,有多啲試新嘢機會!

壹:你哋同 Paco合作得唔太開心?

P:其實 Paco都好緊張佢嘅,但 Paco實在太忙,又要兼顧演唱會、電影、音樂,唔可以理到咁多事。

陳奐仁與太太 Prima跟鄭秀文都是基督徒,三人十分老友。

11年,陳奐仁撈埋電影,憑《李小龍》攞過最佳新人獎。

簽約無綫後,近期又在電視劇《衝線》演出,且戲份不少。

陳奐仁多演搞笑角色,曾經在電影中跟高妹莊思敏做情侶。

不歡而散

人與人之間合作,不論任何背景關係,都有機會因為觀念不同,出現磨擦,一旦有利益衝突的話,更會令關係無法修補,這類情況,在娛圈中經理人和藝人的糾紛,屢見不鮮!

江若琳

江若琳堅稱與一手捧她出來的寰宇約滿,並自行通知公司不續約,但寰宇聲稱仍是對方的全球獨家經理人,雙方糾紛現正進入司法程序。為回復自由,江若琳每月要應付高達六位數字的律師費。

張智霖

張智霖與澤東結束 10年合作關係,轉會到蕭定一旗下時,被指不歡而散。舊經理人梁小姐於自己的社交網頁留言「我對你真心一片,你當我××……我對你好,你覺得我好老土……」後,張智霖將留言截圖轉載,曾掀起一段風波。

鍾意就快D Share啦!