2015年6月22日 星期一

汪明荃趙雅芝拖手 破34年不和傳聞 汪明荃,趙雅芝,



尋日(6月21日)汪明荃、趙雅芝、王晶同一眾演員,出席TVB重頭劇集《風雲天地》記者會。相隔34年再度合作嘅汪明荃同趙雅芝成為焦點,對於兩人一直被傳當年因為爭一姐地位而不和,佢哋齊齊否認,喺記者會上祝酒後更影一張拖手合照,力證無不和。

汪明荃直言:「傳咗幾十年不和,講到似層層。」更謂根本無呢回事,自從喺《倚天屠龍記》爭張無忌之後,都無再合作,今次對手戲都唔多。趙雅芝表示今次見番咁多老朋友非常開心,當年有汪阿姐喺《楚留香》幫手客串,今次到佢喺新劇客串,過足戲癮。

其實2013年開拍之初,趙雅芝被訪時都有講到不和傳聞,佢當時已經澄清,以前二人合作時因為拍劇休息時間短,又住得遠,汪明荃會請佢上去屋企沖涼休息,更指兩人關係好好。

今次合照,兩人大方拖手,又笑得燦爛,可能學阿姐話,不和傳聞都係傳媒宣傳啫!
鍾意就快D Share啦!
Related Posts Plugin for WordPress, Blogger...