掃呢頁CODE去手機

2015年12月30日 星期三

甩拖桃花旺到爆 超蓮、啟山廣州撐枱腳 __,超蓮,何超蓮,

甩拖桃花旺到爆 超蓮、啟山廣州撐枱腳甩拖桃花好旺 超蓮啟山廣州撐枱腳【爆相爆片】24歲的賭王三房索爆千金何超蓮回復單身多戀事,重投愛情市場的她裙下之臣輪流轉,有傳內地百億家底富二代劉根森、霍震霆次子霍啟山都加入爭蓮戰團。繼聖誕日超蓮孖劉根森遊勻珠海和中環,原來兩天後已華麗轉身上廣州跟啟山撐枱腳,當場被本報讀者「爆相」捕獲,兩人着黑色情侶裝叫了一枱食物,超蓮還拿手機跟啟山分享內容,似乎情非泛泛。賭王 ...


甩拖桃花旺到爆 超蓮、啟山廣州撐枱腳



其他影片:>>






甩拖桃花好旺 超蓮啟山廣州撐枱腳

【爆相爆片】24歲的賭王三房索爆千金何超蓮回復單身多戀事,重投愛情市場的她裙下之臣輪流轉,有傳內地百億家底富二代劉根森、霍震霆次子霍啟山都加入爭蓮戰團。繼聖誕日超蓮孖劉根森遊勻珠海和中環,原來兩天後已華麗轉身上廣州跟啟山撐枱腳,當場被本報讀者「爆相」捕獲,兩人着黑色情侶裝叫了一枱食物,超蓮還拿手機跟啟山分享內容,似乎情非泛泛。

賭王何鴻燊三房千金何超蓮才貌雙全,不但被封為何家最索千金,三年前更以一級榮譽成績畢業於倫敦大學皇家賀洛唯學院,獲頒經濟學學士,有樣有身材有腦的超蓮,本月初在社交網Instagram字字似淚狠撇疑劈腿的舊愛吳克羣,回復單身貴族的超蓮即成為搶手貨,裙下之臣都是家族來頭甚猛的有錢仔,早前傳出霍英東孫兒霍啟山向超蓮發動猛烈追求攻勢,但一直只聞樓梯響,反而超蓮於上周五聖誕節孖內地富二代劉根森同遊珠海玩過山車,卻被本報讀者現場直擊。



【一枱美食】■超蓮和啟山於大前日在廣州炳勝撐枱腳,被讀者「爆相」當場斷正。讀者提供圖片



■霍啟山為霍震霆的次子,又是廣州政協委員,幫屋企打理內地生意。資料圖片



【不離手機】■超蓮和啟山據說是洽談合作計劃,其間超蓮手機不離手。讀者提供圖片



【望街對吃】■兩人坐在菜館近窗位置,超蓮更背向食客十分低調。讀者提供圖片

食唔晒打包正當以為劉根森在爭蓮戰先勝一仗,昨日讀者鄭先生透過本報「爆相爆片」報料,大前日在廣州野生捕獲超蓮和一男子撐枱腳。鄭先生在電話說:「27號下晝大約兩點半,喺廣州天河區嘅炳勝中菜館,見到佢哋兩個入嚟食飯,有架掛廣州牌新款七人車喺外面等。佢兩個坐到好埋,超蓮喺度玩手機,兩個人叫咗成枱餸食唔晒,埋單時侍應攞咗啲外賣盒嚟,超蓮就自己起身打包,嗰個男人負責畀錢。」

記者根據鄭先生提供的「爆相」,發現跟超蓮同着黑色情侶衫的男人,雖然只看到側面,卻不難認出就是霍家公子啟山。其實早於本月初,已傳啟山落力出招狂追超蓮,甚少出席名人活動的他,收風知超蓮會現身羅傑承投資的餐廳周年活動,當晚啟山罕有出席希望扮「偶遇」,可惜等了兩個鐘超蓮仍姍姍來遲,啟山才無癮走人。幸好皇天不負有心人,大前日啟山終得償所願,跟心中女神超蓮在廣州單獨撐枱腳,反勝聖誕日劉根森跟超蓮遊珠海時,身邊仍有幾位同行友人。



■上周五聖誕節,超蓮和劉根森同遊珠海被讀者「爆相」捕獲。

傾高球計劃昨日記者聯絡超蓮,但至截稿前未獲回覆,其母三太陳婉珍的私人助理Sandy代回覆:「超蓮27號係上咗廣州,佢同啟山傾生意,因為何太喺廣州有高爾夫球場project,超蓮𠵱家幫屋企打理生意,嗰日佢哋係傾公事。」問到為何找啟山合作?她說:「霍家喺內地發展好耐,啟山幫家族喺內地發展生意,如果傾得成會公佈project。」問到超蓮和啟山是否拍拖?她說:「何太話一定唔係,佢哋係朋友、世交,唔係拍拖。」

採訪:唐如


鍾意就快D Share啦!