2016年1月20日 星期三

秘買 700萬屯門樓 胡定欣催婚  46歲 band佬男友 [FACE - 452] __,定欣,胡定欣,MF,

胡定欣與男友陳明道感情穩定,極有可能學好姊妹胡杏兒,拍拖1年即閃婚。(網上圖片)封面秘買700萬屯門樓 胡定欣催婚 46歲band佬男友胡定欣先後同吳浩康、馬國明及廣告界才子Patt拍拖,可惜全部食詐糊,34歲都未嫁得出。眼見好姊妹胡杏兒去年成功升呢做人妻,恨嫁定欣決定向46歲band佬男友陳明道催婚,希望做猴年新娘。上週四(14日),定欣同男友一齊為李思捷和單立文的《今晚豹制李》伊館騷表演,兩人 ...


胡定欣與男友陳明道感情穩定,極有可能學好姊妹胡杏兒,拍拖 1年即閃婚。(網上圖片)

封面

秘買 700萬屯門樓 胡定欣催婚  46歲 band佬男友

胡定欣先後同吳浩康、馬國明及廣告界才子 Patt拍拖,可惜全部食詐糊, 34歲都未嫁得出。

眼見好姊妹胡杏兒去年成功升呢做人妻,恨嫁定欣決定向 46歲 band佬男友陳明道催婚,希望做猴年新娘。上週四( 14日),定欣同男友一齊為李思捷和單立文的《今晚豹制李》伊館騷表演,兩人之後直落宵夜,隨後一同返回定欣位於將軍澳的寓所。拍拖未夠 1年已同居,定欣更未雨綢繆買定一個 700萬屯門單位做愛巢!

貼埋樓嫁,呢招肯肯定係向杏兒偷師

入行 17年的胡定欣,去年終於捱出頭,揮低一眾花旦榮升視后,唔再做配角戥人開心。事業有起色, 34歲定欣開始計劃人生另一大事。

早前杏兒結婚,胡定欣搶先拎住花球自拍,恨嫁恨到出晒面!(網上圖片)

13/1

《今晚豹制李》頭場完結後,陳明道揸定欣架白色寶馬一齊返回女友的將軍澳天晉寓所(右圖)。

《蘋果日報》圖片

將軍澳同居

去年 3月與音樂人陳明道拍拖後,定欣於人前人後一直表現恩愛,兩人更唔介意為李思捷的《今晚豹制李》騷同場表演,又於後台搭膊合照,愈愛愈公開。

上週四(14日),兩人完騷後與單立文等人慶功,玩到凌晨,陳明道親自揸車送女友返回將軍澳天晉寓所,之後冇再落樓。週一(18日)下午,兩人一同由天晉落樓,陳明道再做司機車女友去天后屈臣道工廠大廈開工,名副其實係廿四孝男友。

14/1

做完騷,同男友孖住宵夜的定欣,警覺地周圍望。

TN訂情車牌

14日當晚,陳明道揸住新寶馬接載定欣,新車以「 TN」開頭,擺明係同定欣嘅訂情車牌。

讚男友浪漫

入行多年,搵埋唔少的定欣原來相當有計劃。早於 14年 10月,已一擲 690萬買入屯門浪濤灣一個單位。定欣自少在屯門長大,對該區情有獨鍾,而浪濤灣有無敵海景,面積亦接近 1,200呎,夠晒將來結婚做愛巢。

定欣識做,男友亦用訂情車牌回敬。上週四(14日),陳明道去年 10月買入的 80萬 BMW新車,車牌以「 TN」開頭,即兩人英文名「 Terry」及「 Nancy」縮寫,咁有心思,難怪一向低調的定欣亦曾公開讚男友浪漫。

關注婚照 page

陳明道喺微博關注咗一間「韓國藝匠婚紗攝影」,唔通開始籌備婚事?(網上圖片)

呢啲作品唔算娘,但斷估定欣都唔想自己嘅婚紗相係 made in China啩?(網上圖片)

網上圖片

「到適婚年齡就想搵適合嘅人」

然兩人拍拖未夠 1年,但定欣已認定陳明道為終生伴侶,早前出席活動時承認自己係時候結婚,「女仔到適婚年齡就想搵適合嘅人,出年我就 35歲,要畀心機!」其實去年 3月《 FACE》踢爆兩人撻着後,定欣開始唔再避忌,經常和男友孖住出席飯局,剛過去的聖誕節亦有一齊慶祝,更將合照放上網。被女友催婚, 46歲的陳明道亦識做,最近在微博就關注了一婚照專頁,似乎好配合女友的結婚計劃喎!

打風打唔甩,但定欣對結婚一事就盡量低調。週一(18日)回應婚事時唔認恨嫁,「全部都係你哋話咋!(幾時拉埋天窗?)好耐,唔知喎!」結婚啫,又唔係大肚,唔使怕小器喎!

18/1 甜笑回應

週一( 18日),定欣被問到婚事時不斷甜笑,但就未肯承認好事近。

去年聖誕節,兩人與李施嬅(中)、胡蓓蔚(右二)及豹哥(右一)一齊慶祝。(網上圖片)

羨慕杏兒閃嫁

定欣多次表明要杏兒先嫁出才輪到自己,𠵱家係時候

本去年 3月率先踢爆二人撻着。

定欣攞視后,陳明道即開心到喺微博恭喜女友。(網上圖片)

定欣首次挑戰渣馬即被網民話佢寫自己國籍係「中國」而非「香港特區」,定欣向本刊解釋報名表非由自己填,唔清楚點解會咁。(網上圖片)

1,200呎無敵海景

浪濤灣單位接近$700萬,冇能力一炮過畀錢的定欣惟有慢慢供做樓奴。《蘋果日報》圖片



胡定欣 14年 10月以 690萬買入的屯門浪濤灣,面積達 1,200呎,屬區內豪宅。雖然樓齡已有 14年,不過屯門靚樓有升值潛力,而且又有無敵海景兼大型會所,將來定欣生 B都可以有大把空間俾小朋友活動

愛催才會散

35歲終於催婚得逞,真係要同胡定欣講聲恭喜至得!進擊的定欣戒唔甩鋪催婚癮,段段情都一催即散,屢敗屢戰 15年總算有糊叫,得來不易㗎!

圖片

吳浩康

99年參加新秀戀上吳浩康,年紀細細已經長駐吳家顯示主權,在吳浩康惹官非時不避嫌共患難、喪母期間又似足未過門媳婦陪伴打點,可惜下盡功夫也敵不過小三新鮮, 06年被莊思敏橫刀奪愛。

圖片

馬國明

08年情歸馬國明,為箍實電視城頭號好仔,不惜搬埋入太古城近水樓台,順手投孝順仔所好行埋伯母政策。不過逼得太緊又有港女病,三年後連馬明都頂唔順又係散。

圖片

沈柏淳

年過三十後再加多幾錢肉緊, 14年結識廣告才俊 Patt,又係極速進駐男方住所、見埋家長,講到出面想 35歲前結婚、又話希望翌年有得派利是,結果催谷過頭得個吉,嚇走男友。

各取所需

網上圖片

想似胡說八道會各位成員一樣友誼永固、話題傾不完,年齡、興趣、話題相近當然要啦,不過最緊要都係擇偶眼光大不同,包保唔會傷感情。

《揀同行》胡蓓蔚

次次大合照實有單立文份,唔講以為單立文都係胡說八道會姊妹之一。實情係同胡蓓蔚相戀廿年的豹哥啱傾又好玩,所以話另一半揀同行幾時都有說不完的話題。

《蘋果日報》圖片

《金至尊》李施嬅

姊妹個個做到冇停手,唯獨李施嬅年中最多拍一、兩套劇,仲有時間周遊列國仲有多餘錢投資餐廳夜店。想似李施嬅一樣咁歎,首先你要似佢一樣,次次拍拖對象都來自有米國。

姚子羚

同李施嬅一樣,姚子羚都係愛財!拍拖年半的男友鄭子邦身家過億,坐擁過百部的士,勁有米!

中央社圖片

《貼錢黨》胡杏兒

杏兒同定欣一樣係視后人馬,一樣係自己搵落大把,一顆恨嫁的心但求有得嫁貼錢一樣在所不辭。去年尾豪住嫁,外傳夫婿金融才俊李乘德身家比起杏兒差大截。

《蘋果日報》圖片

《愛大叔》黃智雯

杏兒擺明貪靚仔,黃智雯就係「情人眼裡」代表。男友詹文天為謝瑞麟高層,論多金唔夠班姊妹另一半,論外形更加冇得比,一樣甜蜜戀足三年,擺到明就係愛佢成熟穩重,外形有安全感。

採訪、撰文:娛樂組

攝影:娛樂突發組


鍾意就快D Share啦!
Related Posts Plugin for WordPress, Blogger...