熱爆娛樂: 大步檻過　激瘦 20磅　停工 3個月　大台綠葉王曾守明：做過心臟大手術 [FACE

2016年1月20日星期三

大步檻過　激瘦 20磅　停工 3個月　大台綠葉王曾守明：做過心臟大手術 [FACE - 452] __,大台,TVB,MF,

《愛．回家》尖晒

曾守明瘦到塊面見晒角，上週現身《愛．回家》 941集，仲瘦過麥包，唔少綱友都發現，他說：「上年年尾拍㗎喇，嗰陣開始肥番喇。」（電視畫面）

真面目

大步檻過　激瘦 20磅　停工 3個月　大台綠葉王曾守明：做過心臟大手術

家陣巴打睇劇唔只留意主角做緊乜，連啲綠葉大家都關心。

好似今年 55歲，喺無綫前後捱咗 28年嘅無綫綠葉王曾守明，一向肥嘟嘟嘅佢，上週喺 941集《愛•回家》客串車行老闆一角，塊面竟然瘦到起晒角。原來呢位無綫甘草上年做過大手術，他說：「上年心臟做咗過大啲嘅手術，唔係就咁通波仔。」保重呀！

曾守明上週喺《愛•回家》 941集飾演車行老闆，但一向肥仔嘜嘅佢，突然暴瘦登場，比同場對手麥包瘦成個碼，側面睇仲成個劉華咁款，令唔少巴打都關心呢位無綫綠葉王嘅健康情況。其實早前喺《實習天使》，已有網友留意到曾守明離奇瘦身，但今次明顯更加嚴重。

曾守明身高 182cm，由於面形較圓，其實他不是太肥，他說：「我最肥都係 170幾磅左右，我塊面肥啫，着褲都係 33吋腰圍。」（網上圖片）

曾守明週日都有出席《鐵馬戰車》宣傳，塊面瘦晒，但望落後生咗。

00年曾守明回巢大台拍《男親女愛》第 1集飾演李律師，雖然得一集戲，但同 Do姐，子華都有對手戲。（電視畫面）

住院 2星期

原來曾守明上年 10月做過心臟手術，更喺公立醫院住咗兩星期，期間都有唔少藝員同事探望，休息 3個月已即刻復工，他說：「《愛•回家》係上年年尾拍，已經開始肥番㗎喇，大家放心。」

曾守明入行前做過義勇軍及輔警，一向有肉地，而且揸得一手好電單車，今週首播嘅《鐵馬戰車》監製陳耀全亦係睇中佢呢點，專登俾個連戲角色佢，他說：「我哋《鐵馬戰車》台前幕後都有個 WhatsApp群組，佢哋都好關心我，我好番大家都有出嚟食下飯、吹下水。」

雖然曾守明停咗工 3個月，但佢原來喺泰國都有開保安公司兼有教人玩真槍射擊，所以生活不成問題，他說：「上年 10月喺醫院做咗個心臟大啲嘅手術，唔係就咁通波仔，瞓咗兩星期啦，醫生話我完全康復喇！由原本 170幾磅跌到 150磅左右，醫生叫我肥到 160磅度就正常喇！多謝網友關心，我冇事喇！」