16歲嘅周子瑜年紀輕輕已經歷呢件大事，好在父母一早已飛韓陪實支持，週一（ 18日）已經再現身出席節目錄影。（網上圖片）
真面目
蝗安之亂 美魔媽開整容店 富家周子瑜中二停學攻韓
因為高舉中華民國國旗而被抹黑為「台獨分子」嘅韓國女團「 TWICE」 16歲台灣少女周子瑜，由被擦鞋黃安舉報到大陸網民抨擊開始，至上週五（ 15日）「被道歉」都引起國際關注，連《紐約時報》、《華盛頓郵報》都以大篇幅報導。
事件發生後，子瑜父母馬上掉低在台灣三間整容診所工作飛韓陪愛女。其實周子瑜 3年前讀緊國二都選擇停學攻韓無非都係想做藝人，如今搞成咁，呢位 16歲美少女真係陰功豬呀！
估不到年紀小小，千辛萬苦由國二停學到韓國做練習生， 16歲的台灣小妹妹周子瑜出道未夠半年，近日成為各國報章頭版報導對象。
讀書人緣好
自小已集萬千寵愛在一身的周子瑜，是媽媽黃燕玲的掌上明珠， 13歲被 JYP星探睇中，即使正在台南復興國中就讀國二，都寧願停學，爭取機會到韓國做練習生做藝人。
去年底正式出道的周子瑜被美國電影網站「 TC Candler」選為全球百大美女第 13位，除了天生樣子精緻之外，其 50歲母親的自家美容本領亦不容忽事。在台灣開設三間「首璽格爾醫美診所」的周媽媽，主要負責投資開店，據知從商的周父， 11年與周母開設美容診所，至今鋪頭營業額已年過三千萬台幣（約 750萬港幣）。生於富裕家庭的周子瑜，小學時期已學芭蕾舞，中學便轉學街舞，雖然成績一般，但與同學相處融洽，亦曾被同學推舉做班長。
週一蒲頭現微笑
被黃安舉報撐「台獨」後，周子瑜於上週五（ 15日）「被道歉」，其口震震道歉的影片隨即引起廣大市民關注，更有台灣經理人公司發出公告，願以一億台幣（約 2500萬港幣）將周子瑜帶回台灣娛樂圈。
JYP週一（ 18日）單方面發出聲明，指周子瑜未成年，所以道歉影片係公司經周子瑜父母同意後至拍。其實子瑜雖然出身富家，但在韓國受訓卻毫不輕鬆，經常由早上 5點練舞到深夜 11點，中午只上韓文課，故連周媽媽亦擔心周子瑜的學業問題，苦練 3年先有得出道，子瑜唔會咁易被蝗安打倒嘅！努力呀！
攻韓台灣幫
咪睇周子瑜被 JYP星探睇中就去咗韓國做練習生好似好新奇，其實台灣都有幾位成功喺韓國發展嘅藝人，只係其流利韓文令大家都忘記咗，佢哋其實都係外勞啫！
23歲嘅 f（ x）成員 Amber（劉逸雲），雖然喺美國 LA長大，但同父母一樣都係來自台灣。開初負責 rapper角色嘅 Amber，後來加入作詞作曲行列，去年經理人公司更安排 Amber單飛出單曲。
採訪、撰文：娛樂組
|
鍾意就快D Share啦！
|
|
|
