熱爆娛樂: 花心男友　愛錯食女王　林欣彤補習天王男友溝過 G.E.M. [FACE

2016年1月20日星期三

花心男友　愛錯食女王　林欣彤補習天王男友溝過 G.E.M. [FACE - 452] __,G.E.M.,G.E.M,林欣彤,鄧紫棋,MF,

去年初， G.E.M.請咗 Mag到自己屋企煮飯仔，單睇相已經知有幾咁老友，不過如果知道自己男友原來溝過好姊妹，相信 Mag都會幾難過！（網上圖片）

真面目

花心男友　愛錯食女王　林欣彤補習天王男友溝過 G.E.M.

俗語都有話「女人最怕嫁錯郎」，巨聲幫出身嘅 Mag林欣彤，雖然唱得，但感情路上就好坎坷，試過被圈外前度家暴對待，仍然處處維護，有苦自己知！

Dry咗咁耐， Mag感情終見曙光，新歡就係補習天王 David Chiu趙永康，兩人嘅紅娘係 David嘅師弟許廷鏗。不過， David異性緣極強，同「最 hea港姐」張舒雅拍過拖，仲曾經力追 Mag好友「宇宙 G.E.M.」添！

出道 5年嘅 Mag緋聞唔多，與羅孝勇的戀情最廣為人知，就算被《 FACE》踢爆曾遭受前圈外男友家暴對待， Mag都處處維護前男友，好重視每一段戀情！

David多得好友 JW介紹而認識 G.E.M.，兩人已經識咗 10年，上年 G.E.M.生日(右圖）， David仲被邀請出席添！（網上圖片）

G.E.M.未紅到上宇宙之前，由男友所教嘅招牌「金魚嘴」幾咁可愛，呢個亦係吸引 David出手嘅原因囉。（網上圖片）

除咗同林宥嘉拍過拖， 08年 G.E.M.亦同圈外男友 Aaron拍過拖，雖然例牌否認，不過《 FACE》就見到佢上埋男方屋企囉！

許廷鏗拉線

Mag新歡係數學科補習天王 David Chiu，生得算靚仔，做得補習天王，百萬年薪走唔甩， David仲同一班圈中人如許廷鏗、 Neway大少薛世恆、 JW、王浩信等好 friend，私底下經常同王浩信出去蒲！

所謂近水樓台，同樣係聖若瑟書院出身嘅許廷鏗同 David更加係師兄弟有交情，許更係 David的補習學生。 13年許廷鏗開演唱會， David即刻 line-up補習社贊助，就係當晚 David同 Mag第一次見面，去年 4月許廷鏗生日， David再見到單身嘅 Mag，終於出手力追，不過戀情剛開始，兩人都低調處理。

贊助溝埋女

13年嘅《許廷鏗時光演唱會》， David間補習社「 The iCon Education」係贊助單位之一，當晚 Mag亦有現身撐場，第一次認識 David。（網上圖片）

JW係補習學生

原來 JW都曾經係 David嘅補習學生，男方不時 po二人合照上網，由師生變成好友。（網上圖片）

同 G.E.M.認識 10年

一心以為搵到個筍盤，點知原來 David極受異性歡迎，除咗同「最 hea港姐」張舒雅拍過拖，原來早於 06年， David已經認識當時未上宇宙嘅 G.E.M.，幾年來一直展開電話攻勢，不過 G.E.M.當時已有男朋友， David慘食檸檬，但係兩人一直有聯絡，去年 8月 G.E.M.生日亦有邀請 David出席 party。 David情史一疋布咁長， Mag今次真係要落足眼力睇實啲