掃呢頁CODE去手機

2016年1月20日 星期三

Yen價回升 港人遊日最佳時機已過? __,

next1/1prenext1/1prenext1/1pre踏入2016年,日圓(Yen)匯率作勢反彈,加上唔少專家都唱好日圓,令好多鍾情遊日的港人都好緊張,心諗係咪要兌定平Yen先;有人甚至會諗,當Yen愈來愈強,今年可能要「去少啲」日本。不過,在旅遊業界多年的美麗華旅遊總經理李振庭(Alex)直言:「大家諗多咗喇!」皆因今年港人遊日熱情無減,Yen價升番少少一樣都抵去,究竟點解?以下就交畀Al ...


next 1/1 pre
next 1/1 pre
next 1/1 pre

踏入2016年,日圓(Yen)匯率作勢反彈,加上唔少專家都唱好日圓,令好多鍾情遊日的港人都好緊張,心諗係咪要兌定平Yen先;有人甚至會諗,當Yen愈來愈強,今年可能要「去少啲」日本。不過,在旅遊業界多年的美麗華旅遊總經理李振庭(Alex)直言:「大家諗多咗喇!」皆因今年港人遊日熱情無減,Yen價升番少少一樣都抵去,究竟點解?以下就交畀Alex為大家逐一講解!

去年Yen持續貶值下試低位,日本旅遊業就逆線上升,全年訪日旅客量足足爆升至1,973萬人,再創新高,其中500萬人來自內地,按年急升超過1倍,港人都有152萬,升幅亦高達65%。去年遊日旅客「掃貨」消費總額更大幅破頂,按年飆升71%至3.5萬億日圓(約2,317億港元),刷新歷年來紀錄。

不過近期Yen匯率已見回升,較去年低位顯著反彈,尤其是兌人民幣半年內更累升14.6%。更重要是,日本央行行長黑田東彥周二於國會上表示,當局將採取一切措施以達2%通脹目標。「日圓先生」榊原英資預期環球經濟憂慮會增加對日圓的避險需求,日圓下半年很大機會處於介乎110至115兌1美元。市場擔心手握強勁購買力的中、港旅客,會否因此「忍手」,同時訪日意欲會否因此被壓抑。

Alex坦言,匯率波動對港人遊日心理,或多或少係有影響,不過日本酒店供不應求,匯率賺幾多,其實都唔夠畀升近一倍的房價。至於係唔係趁Yen升之前,依家係咪要兌咗先?咁就好難講,如果之後又跌,港人又會唔服氣,他笑言「專家都唔係次次中」。客人睇自已遊日需要兌Yen就最好,但到時酒店房價又可能已經加咗價。

據以往經驗,Yen升值幅度大,酒店房價會下滑,因港人會減少遊日,直指心理好易受影響,會諗「Yen咁貴去日本唔抵」。不過,家陣就算Yen匯率反彈,仍無損內地遊日旅客數量。Alex認為,近年港人外遊成本其實「貴咗」,原因之一係內地旅客推高價錢。內地外遊客量一年比一年多,內地中產階層比例亦有所增加。他續指出重點,日本幾時都多人去,「港人唔去,就內地人去」,酒店房咁搶手,就知唔係講笑。

因此Alex相信,今年日本酒店房價等成本較難跌,港人遊日可能要繼續「捱貴啲」。他亦勸籲,港人應該放低匯率升跌等雜念,想去賞花或紅葉,就按時節及時行樂,始終大部分港人在日本購物消費金額有限,「望日本大減價好過望Yen跌」,日本商店大割價時就「咩仇都報哂」。

─ ─ ─ ─ ─ ─ ─ ─ ─ ─ ─ ─

「東網Money18」fb專頁:有討論、有分析,齊來FUN享,贏盡●你Like

http://www.facebook.com/money18 


來源 source: http://hk.on.cc
鍾意就快D Share啦!