陳松伶半億身家已經唔使做，得閒就去 gym保持住身形，話晒年過 40唔 keep好易老。
真面目
瘦唔番 隔 8年再回巢 陳松伶扮師奶唔肯增肥
都係嗰句，大台花旦唔夠貨，點都要搵人補充，最新目標原來是 44歲的陳松伶，松松姐姐 4月將返大台拍劇，暫名《師奶大翻身》，不過松松自己揸住半億身家，大台俾得雞碎酬勞，請得郁松松都未必肯任你點。
據知因為松松姐姐好鍾意個劇本，講肥師奶變索，由被老公飛，最後同有錢仔一齊，韓式橋段，師奶最愛，不過陳松伶唯一要求係唔想太肥，因為年過 44歲肥就易，瘦番就好難。對巴打嚟講，松松姐姐吸引嘅係佢自爆有 F cup囉！
44歲陳松伶自從 06年同鄭嘉穎拍完《飛短留長父子兵》後，就主力北上掘金，松松姐姐當年憑《天涯歌女》、《月兒彎彎照九州》儲落一班 fans又多 hit歌，喺大陸非常吃得開，當年一場騷都 30萬，劇集都 5萬一集，係第一批在大陸富起來的港星。 11年同細自己 9年的內地小生張鐸結婚，長駐在大陸生活。
去年 10月陳松伶重返大台上《 Sunday靚聲王》自爆仲有戲癮，據知戲劇總監曾勵珍知道後，即時做嘢，更為松松度身訂造劇本，暫名《師奶大翻身》，講肥師奶失婚，最後變索仲同有錢仔結婚。呢條橋師奶實 like，據知松松姐姐都非常鍾意，而且她最近又在港開了內衣專門店，留港時間增加，故答應 4月回巢開工。
要求肥 10磅算
不過陳松伶唔係等上位姐仔任你點，據知因為劇組想佢增肥 20磅開工，拍到尾段又要減番，務求有戲劇效果，不過陳松伶年過 40想瘦真係唔易，所以要求劇組只增 10磅就算，又要求拍完索女戲份先再增肥，不過大台劇對白情節一向飛紙仔，要掉轉拍，難啲囉！
松松姐姐真經典
對巴打嚟講 44歲松松姐姐好似好久遠，但當盧海鵬、葉蘊儀都受後生仔歡迎嘅時候，有邊個敢話陳松伶唔會變成潮 icon？當年佢唔只係大台女一，唱片《天涯歌女》仲賣咗 6白金，即係 30萬隻。拍得住譚詠麟、張學友㗎。
採訪、撰文、攝影：娛樂組
|
鍾意就快D Share啦！
|
|
|
