| 周星馳話佢無放棄過幕前，各位星迷可以放心 | next 1/1 pre |
 | |
| 周星馳（左）話原本佢想做《美人魚》入面隻八爪魚（睇吓佢個頹樣），點知畀羅志祥搶咗嚟做。 | next 1/1 pre |
 | |
| 佢話想做八爪魚嘅原因，係貪佢冇衫兼冇褲着，因為好有挑戰性。 | next 1/1 pre |
 | |
| 合作咗兩部戲嘅周星馳同羅志祥，連個表情都有默契過人。 | next 1/1 pre |
 | |
| 由於拍戲時演員輪流咁凍病，所以為咗做好保暖措施，套戲多咗額外支出。 | next 1/1 pre |
 | |
| 但偏偏就係小豬冇病，令到周星馳都不得不講番句：骨格精奇。 | next 1/1 pre |
 | |
| 周星馳（左起）、林允、羅志祥 | next 1/1 pre |
 | |
| 周星馳雖然2008年後冇再喺大銀幕演出角色，但佢話冇諗過唔演戲，只係等待緊一個好嘅角色。 | next 1/1 pre |
 | |
| 面對賀歲檔強敵如雲，周星馳話冇驚過，因為佢唔會理票房。 | next 1/1 pre |
 | |
| 周星馳又大讚張雨綺及林允兩位星女郎各有特色。 | next 1/1 pre |
 | |
| 周星馳個笑容，永遠都有啲嘢。 | next 1/1 pre |
 | |
| 張雨綺（資料圖片） | next 1/1 pre |
周星馳自2008年《長江7號》後，八年未有再演戲，不少觀眾認定他已退出幕前，不再演戲，不過周星馳卻另有解說！
周星馳與羅志祥（小豬）日前接受訪問，提到賀歲片《美人魚》，執導該片的周星馳笑言自己戲癮大發，他說：「其實我想演戲，好似喺《美人魚》度，我已經度身訂造一個『八爪魚』角色畀我自己演，呢個角色好特別，可以全個拍攝過程冇衫冇褲着（因只貼特技膠紙）。喺片場行，大家唔會覺得有問題，真係好有挑戰性，點知畀羅志祥知道，仲搶埋個角色，我問佢，你真係得？佢好堅定咁話，得！咁我就冇咗呢個角色！」
想演悲劇人物
提到周星馳早前跟徐克合作《西遊‧降魔篇》續集，問他可有向徐克自薦？他笑言：「好想演，但未傾，徐克就話電影拍完，哈哈！」及後周星馳正經道出，其實一直以來都沒想過不演戲，只要有好角色，他就會再演戲，不過，就算再演，都不會是搞笑，而是一個嚴肅角色，好像「八爪魚」一角，看似是搞笑，但其實是一個不折不扣的悲劇人物。
讚林允有仙氣
周星馳新戲推出，「星女郎」定必是焦點，今次還是新舊星女郎「同場」，一個是拍過《長江7號》的張雨綺，另一個是在大型選拔賽中選出來的20歲內地新人林允。對於一新一舊，周星馳又有何評價？他表示：「張雨綺畀人嘅感覺係好驚艷，一見到會覺得好靚，林允就係好有氣質嘅女仔，佢哋係兩個好唔同嘅女性，各有各特色。」
佩服小豬骨格精奇
新戲以科幻故事為題，當中亦有時空穿越，雖然周星馳身經百戰，但都被難倒，小豬爆周星馳在片場不斷要解決大大小小的問題，比演員辛苦很多，當中最需要盡快解決的，便是冬天拍落水戲，因實在太凍，且演員除了小豬外，全部都病倒！對此周星馳點頭承認說：「當時很多演員都病了。（小豬都病了？）佢骨格精奇冇事，但都要解決呢個問題，最後特別買咗一啲儀器將水池啲水加熱，呢樣嘢令劇組有額外支出。（額外畀咗幾多錢？）總之，所費不菲！」周星馳雖已落力解決問題，但小豬直言器材到的時候，已是電影差不多到尾聲的時候，不過，他明白訂器材需時，覺得「老闆」周星馳已盡了力，所以非常感謝他。
猛片如雲冇有怕：我唔會理
提到今年賀歲檔猛片如雲，當中包括周潤發的《賭城風雲III》、郭富城和鞏俐的《西遊記之孫悟空三打白骨精》，「雙周一城」盛況再現，不過周星馳「冇有怕」，因沒想過勝負問題，只希望觀眾喜歡，他謂：「我拍戲乜嘢都唔會理，我只會想一個問題，就係觀眾想睇乜嘢？觀眾喜歡乜嘢？呢個先係最重要。」
場地提供：馬可孛羅香港酒店
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|
