2016年3月3日 星期四

又一個入雪櫃 沈震軒飛泰國打拳發洩 [壹週刊 - 1356] __,沈震軒,M1,

探熱針又一個入雪櫃 沈震軒飛泰國打拳發洩對於旗下藝人逃亡潮,無綫高層採取高壓政策,唔少藝人未滿約,就要「加監」延長合約年期,違者即入雪櫃,率先被祭旗有馬國明,跟住沈震軒(Sammy)亦緊隨其後。冇工開,沈震軒索性飛去泰國,學打泰拳發洩!被做凍肉本刊早前在機場見到沈震軒,與一位男性友人在櫃台checkin準備離港。「我去泰國,玩八日。」沈震軒說。據知,此行主要目的是學泰拳。「佢(沈震軒)仲有一年就約 ...


探熱針

又一個入雪櫃 沈震軒飛泰國打拳發洩

對於旗下藝人逃亡潮,無綫高層採取高壓政策,唔少藝人未滿約,就要「加監」延長合約年期,違者即入雪櫃,率先被祭旗有馬國明,跟住沈震軒( Sammy)亦緊隨其後。冇工開,沈震軒索性飛去泰國,學打泰拳發洩!

被做凍肉

本刊早前在機場見到沈震軒,與一位男性友人在櫃台 check in準備離港。「我去泰國,玩八日。」沈震軒說。

據知,此行主要目的是學泰拳。

「佢(沈震軒)仲有一年就約滿無綫,樂易玲搵過佢傾續約,不過 Sammy想多啲時間拍電影同唱歌,所以考慮緊仲未應承;無綫見佢遲遲都唔肯落筆,就掟佢入雪櫃,上年拍完《性在有情》後就冇安排佢開劇,只係做過《 Do姐去旅行》,間唔中上吓綜藝節目做嘉賓,同唐詩詠、馬國明一樣,唔肯加簽就只係做呢啲嘢。」知情者說。

被變成「凍肉」冇工開,沈震軒索性跟朋友一齊飛泰國休息,順道在當地上泰拳堂。

「平時 Sammy都有打開拳,做娛樂圈識多樣嘢冇壞,拍戲隨時會用得到,加上嚟緊可能會有套要打泰拳嘅戲搵佢,咁喺嗰邊實地取經,應該會有另一種得着,反正得閒,順便當去旅行,一舉兩得。」

本刊早前在機場見到 Sammy,原來他準備飛泰國,學泰拳之餘順便旅行。

本身在港有打開拳的 Sammy,與兩位男友人齊飛泰國學地道泰拳,每日操完後會齊齊外出觀光及覓食,過得充實又輕鬆。

位於泰國布吉的 Tiger Muay Thai,是著名學泰拳的地方,收費大眾化,一星期學費最低約$1,400,最高約$3,700。

馬國明與唐詩詠因遲遲未肯續約,所以早已被扔入雪櫃,間中被安排上綜藝節目做嘉賓。

賺到人仔

一○年憑《潛行狙擊》「爆燈」小配角人氣急升後,再憑《使徒行者》走紅,如今冇工開,沈震軒要食老本。

「以前做極都係二打六,連對白都冇,直到『爆燈』先有人留意,亦開始有戲拍,後來簽埋俾 Paco,都搵落啲外快,加上一四年《使徒行者》佢做 Kobe個角色好出,套劇喺內地收得, Sammy都多咗好多登台騷做,有機會賺人仔。」知情者說。

Sammy在《潛行狙擊》中做小配角「爆燈」,開始被留意。

《使徒行者》中, Sammy飾演的 Kobe很搶眼,令人印象深刻。

慘被無綫雪藏,冇劇開的 Sammy,工作寥寥可數,曾經與陳敏之為《 Do姐去旅行》做嘉賓。

去年, Sammy在電影《碟仙碟仙》中,首次做男主角。

Sammy有幸得到 Paco賞識,簽他為太陽娛樂旗下歌手,俾機會他唱歌及拍電影。

雖然只被安排做綜藝節目的嘉賓,但 Sammy並沒有輕視每個機會,在《 Sunday好戲王》中表現不錯,被汪明荃大讚。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...