2016年3月3日 星期四

再為賣花阿婆打氣  Sammi送粥送湯 [壹週刊 - 1356] Sammi,許冠傑,Sam,M1,鄭秀文

探熱針再為賣花阿婆打氣 Sammi送粥送湯佐敦吳松街有間小花店,店主黃婆婆靠一雙手,自食其力。情人節前夕,熱心網民JoeLi在fb貼文,呼籲市民幫襯婆婆買花;Sammi即晚在fb轉發,天后的號召力,成功令婆婆過了一個豐收的情人節……事後黃婆婆接受訪問:「鄭秀文,你幾時嚟探我?我留紮最靚嘅花俾你,但你預早話俾我聽至訂到㗎!」原來唔係得個講字!早前Sammi靜雞雞帶埋愛心粥和湯水去探婆婆,第一日雖然摸 ...


探熱針

再為賣花阿婆打氣  Sammi送粥送湯

佐敦吳松街有間小花店,店主黃婆婆靠一雙手,自食其力。情人節前夕,熱心網民 Joe Li在 fb貼文,呼籲市民幫襯婆婆買花; Sammi即晚在 fb轉發,天后的號召力,成功令婆婆過了一個豐收的情人節……

事後黃婆婆接受訪問:「鄭秀文,你幾時嚟探我?我留紮最靚嘅花俾你,但你預早話俾我聽至訂到㗎!」

原來唔係得個講字!早前 Sammi靜雞雞帶埋愛心粥和湯水去探婆婆,第一日雖然摸門釘,但她冇就此放棄,第二日再去多次,終於同婆婆碰到面,即使只是共處短短幾分鐘,已令黃婆婆相當難忘:「佢好有心!」

網絡力量不容忽視

早年受過丈夫虐打的黃婆婆,離婚後接手了女兒的花店,靠賣花養活自己;多年來風雨不改,穿梭花墟、佐敦,買貨賣貨一腳踢。原本一間唔起眼的小花店,今個情人節卻做了幾萬蚊生意。全靠網民力量!

「千多謝萬多謝!多謝多謝多謝!好多人嚟幫襯,好歡喜,未試過,真係好似發夢,真係估唔到咁好!嚟支持我!」黃婆婆多謝發起幫襯婆婆買花的網友 Joe Li外,更加多謝幫手轉發的 Sammi鄭秀文!

早前 Sammi幫手轉發網友 Joe Li的貼文,呼籲市民幫襯婆婆買花,成功令婆婆在情人節當日做了幾萬蚊生意。

Sammi的保母車在花店門外不斷兜圈,坐在車上的 Sammi足足等了兩個鐘,仍未見婆婆開門。

兜圈兩個鐘摸門釘

之後網民發起「#多謝 sammi」 hash tag,希望 Sammi現身,圓婆婆心願。

事實上, Sammi早前確曾親自到過佐敦,探望婆婆。當晚大約八點, Sammi的保母車在吳松街附近不停兜圈,而每次經過婆婆的花店,坐在車上的 Sammi都探頭張望,可惜,當晚黃婆婆遲遲未有開門。

一心想見婆婆的 Sammi未有立即放棄,繼續坐住七人車在附近繞圈,足足等了兩個小時,見婆婆仍未有開門做生意, Sammi先肯離開。

雖然摸門釘,但第二日, Sammi又再到訪花店,今次二人終於見到面, Sammi還專程帶埋愛心粥和湯水送給婆婆,雖然只是短短一陣子,已令婆婆笑到合唔埋口。

「(頭先邊個嚟咗?)咪鄭秀文囉!(佢帶咗咩俾你?)粥同埋湯,飲咗兩啖,啲奶白色嘅,好好飲;啲湯我收埋咗,驚人偷!粥就已經食咗兩碗!(有冇送花俾 Sammi?)嚟到一枝花都冇,好彩佢好有心,支持我,好支持!」黃婆婆說。

見完 Sammi,婆婆笑到合唔埋口,仲大讚 Sammi「好有心」。

Sammi送上愛心粥同湯,婆婆珍而重之,仲話:「驚俾人偷!」

當晚探完婆婆, Sammi再趕去參加好友陳美詩的生日 P。

早年 Sammi透過宣明會助養了廿多名尼泊爾兒童,仲時不時飛去當地探望養子養女。

一向熱心幫助弱勢社群的 Sammi,早前到劏房探訪貧窮家庭。

撰文、攝影、攝錄:娛樂組


鍾意就快D Share啦!