熱爆娛樂: 四角畸戀　騎住翟威廉　正印索模哭訴　港姐陳庭欣明搶有米大狀 [壹週刊

2016年3月3日星期四

四角畸戀　騎住翟威廉　正印索模哭訴　港姐陳庭欣明搶有米大狀 [壹週刊 - 1356] 庭欣,港姐,翟威廉,M1,陳庭欣

趁正印唔喺香港，陳庭欣陪 Warren到數碼港睇戲，做小三心有屎的她全程戴上口罩，免被人認出。

娛頭

四角畸戀　騎住翟威廉　正印索模哭訴　港姐陳庭欣明搶有米大狀

現年 28歲的陳庭欣（ Toby）， 10年當選港姐冠軍後，雖有港姐光環，但星途錢途未有一帆風順，最為人熟悉，只是與港男冠軍翟威廉（ William）的戀情。

拍拖多年，堅持玩地下情，就算多次被拍下到男方家過夜，一樣唔認！陳庭欣如此避忌，原來因為仲未揀定。目標釣金龜的她最近成功搭上楊恭如舊愛、屋企有米的大律師唐偉倫（ Warren），明知對方已經有個索模正印 Candice，陳庭欣照硬搶，四角關係勁混亂。

趁正印離港偷食

陳庭欣與翟威廉一一年開始撻着，近年已發展至半同居生活，但自去年中，她背住男友，搭上夏文汐表弟唐偉倫後，就算明知對方名草有主，但只要正印 Candice不在港，二人便劈腿過夜。

月前，本刊發現口罩 cap帽包冚的陳庭欣，出動夜會大狀新歡，二人在數碼港睇完戲，再雙雙返回男方位於碧瑤灣寓所，共度春宵。為免引起翟威廉懷疑，陳庭欣去到 Warren屋企後，即於個人 ig上傳一張準備瞓的照片，並留言：「 Good Night!」交差，偷食高手！

上週一（二月二十二日），趁正印 Candice人在台灣，陳庭欣與 Warren又偷會。男方先買定《班加西無名英雄》戲飛，陳庭欣則自行揸車到數碼港會合。

散場時，二人又前後腳行去攞車，沿途裝作互不相識，之後由陳庭欣揸車，如常返回碧瑤灣宿一宵。

被蒙在鼓裡的正印 Candice由台灣返港後，上週六（二十七日）晚，亦繑實男友 Warren，拍拖到數碼港睇戲。

高大好樣，完全不似有四十歲的 Warren，不單是戲迷，更是數碼港戲院常客，因為無論偷食陳庭欣，抑或招呼正印，睇完戲就腳返碧瑤灣。

22/2

睇完戲，二人同坐陳庭欣車，返男方碧瑤灣住所過夜。

27/2

家底豐厚的 Warren已經有個拍拖四年的索模女友，上星期六，男方攬實剛由台灣返港的正印 Candice出巡拍拖。

經常同 Warren孖住出席飯局的陳庭欣，刻意拉埋姊妹一齊影合照，再 po上網示威。

陳庭欣一○年當選港姐冠軍後，一直被安排做主持，最近才多機會拍劇，包括最近的《公公出宮》。

後備觀音兵

甘心做小三的陳庭欣，仲騎住觀音兵翟威廉，方便隨時備用。

上週三（二十四日），二人同場出席春茗活動，陳庭欣姍姍來遲，在場內同翟威廉零交流，之後翟威廉同好友楊潮凱、劉溫馨先行離開，但眾人只在附近徘徊，原來是等埋陳庭欣，到火鍋店醫肚。

之後因為發現記者，一行人於是由大廳轉去 VIP房坐，避開鏡頭。

在無綫捱足六年，收入有限的陳庭欣，一直有翟威廉關照，她亦不時到男方鑽石山屋企星河明居過夜，實行半同居生活。雖然男友家境不俗，但始終不是陳庭欣最佳心水。

「 Toby（陳庭欣）恃住 William（翟威廉）專一，成日對佢呼呼喝喝，覺得做錯乜，男友都會原諒留喺身邊隨傳隨到。 Toby想過二人世界，要男友搵屋搬， William即刻說服屋企人喺星河明居租咗另一個單位。

「不過 Toby只係騎牛搵馬，呢兩年佢成日去啲名人飯局，又叫人介紹啲筍盤俾佢，最後俾佢識到有米 Warren。」知情者說。

進擊的陳庭欣為向正印挑機，不惜在自己的 ig po Warren愛犬相。

Candice經常在網上大晒男友的愛犬。

陳庭欣同翟威廉不時以情侶檔合作搵銀，近年更過住半同居生活。

斷正照攬住

陳庭欣去年經朋友介紹認識現職大律師的唐偉倫，五年前曾和楊恭如拍拖的 Warren，是女星夏文汐表弟，家族經營時裝批發生意，加上好樣又出手闊綽，絕對是陳庭欣理想筍盤。但他本身亦有個拍拖四年的索模女友 Candice。

陳庭欣騎住翟威廉，又做小三明搶人男友，四角關係大混亂。據知，正印 Candice去年已經發現有第三者，更加多次捉到男友和陳庭欣密會。

「唔捨得放手的，選擇原諒，換來進擊小三步步進擊。早前陳庭欣在 ig晒 Warren愛犬相，隔空向正印示威。

「今年初 Toby同 Warren一齊去咗個春茗飯局，點知 Candice失驚無神出現，但 Toby仲特登同 Warren攬頭攬頸，當時 Candice只係坐埋一邊，冇出聲！」知情者說。

15/1

今年一月中，陳庭欣同 Warren在數碼港睇完戲，即孖住返男方屋企過夜，上樓後，她更在 ig上載準備瞓覺相，用假相向翟威廉交差。

24/2

上週三，翟威廉出席完春茗活動後即會合陳庭欣去醫肚。

1/3

本週二，俾陳庭欣「食住」的翟威廉，又陪女友到又一城食 lunch。

喊住回應

本刊曾致電 Candice，她表示與男友感情穩定，但當問到是否認識陳庭欣，她的聲音即變得沙啞。

壹：記者　 C： Candice

壹：知唔知只要你唔喺香港， Toby就同你男朋友過夜？

C： Er……我唔知呀，或者你問番當事人，我唔知道，我唔想講！

壹：其實你之前已經知道仲撞過佢哋？

C：我唔清楚，我唔想答，唔知發生咩事，真係唔想再提，唔好意思！

壹：有冇覺得 Toby係小三？

C：係……算啦算啦，我唔想再提呢樣嘢……你問番當事人啦，我唔想講！

另一邊廂的翟威廉，對女友出軌亦處處維護。

「我同 Toby一向只係好好朋友，佢唔係個貪錢嘅人。（知唔知佢同咗個大狀一齊？）未經證實好難答你，不過感情嘅嘢無話啱唔啱。（會祝福佢？）會，你話佢小三好難講，最緊要佢開心，佢咁大個人，無理由我去俾意見。」

至於始作俑者陳庭欣，就以未能接受壹傳媒訪問，推搪不回應做小三一事。