娛樂偵訊
大女生日早閃 吳佩慈箝唔實紀曉波
有「九頭身」之稱的台灣藝人吳佩慈，為強國富商男友紀曉波三年抱兩湊成好字，日前吳佩慈為囡囡 Hillary在迪士尼搞兩歲生日 P，紀曉波係咁意交人，提早成個鐘先閃。男友唔俾面，吳佩慈黑面躁爆！事隔兩日，細仔 Hans在四季酒店搞百日宴，地點級數差異兩極，擺明重男輕女。
重男輕女
吳佩慈為盡快坐正做紀曉波太太，生完又生，去年十一月順利替男友誕下慈姑椗後，曾一度傳出二人在美國秘密註冊。
上月二十日中午，二人在迪士尼酒店包場為囡囡 Hillary搞兩歲生日會，為氹「小蕊蕊」開心，場地主題布置成細路女最 like的《魔法奇緣》（ Frozen）。生日會原定下午三點結束，但最終 over run到四點，但身為主人家的紀曉波，未到三點，已經由保鑣陪同下趕住離開，邊行邊講住微信的他，手上並無婚戒。
夠鐘交場，賓客亦陸續離開，男友閃先，吳佩慈負責埋單善後，出世只有三個多月的細仔 Hans繼續被收埋，放在密冚的 BB車由外傭照顧。離開酒店時，吳佩慈面黑黑冇笑容，只見她指手畫腳安排親友上車，勁躁！
「又好難怪佢唔開心，約齊人同個女慶祝生日，但爸爸早走，好 hea囉！ Pace（吳佩慈）好勝，咁樣會令佢覺得响班親戚朋友面前好冇面。不過之後幫個仔喺四季搞百日宴，紀曉波就全程戙喺度笑騎騎，又抱住 Hans四圍影相，好明顯係重男輕女嗰種人。」知情人說。
坐正無期
一四年，吳佩慈誕下大女 Hillary後，紀曉波與母女倆在影樓影過一輯家庭相後，一直飛來飛去，連囡囡百日宴，照樣冇影，直至吳佩慈佗住個仔，才對女友表現得較着緊。
「以前大家有幾何見到佢（紀曉波）同 Pace一齊出嚟！但呢排無論 Hillary或者 Hans嘅活動，佢都會蒲頭；上星期又跟咗女友返台北同對仔女開 party，不過佢都唔係唔錫個女，只係偏心個仔多啲！至於結婚，相信未必咁快，我哋久不久就探聽吓 Pace口風，好似有啲難言之隱咁！」知情人說。
迪士尼 VS四季
撰文、攝影、攝錄：娛樂組
|
鍾意就快D Share啦！
|
|
|
