在周冠威執導的電影《幻愛》中飾演精神病康復者的劉俊謙，分不清楚現實與虛幻，但他的出色演技獲評審與觀眾認可卻是千真萬確，更為他贏得「最港男演員」獎項。投身表演藝術的，大多數多愁善感，劉謙亦不例外，年輕時也受過情緒困擾：「都會好負面，諗埋一邊咁，成日懷疑自己嘅價值，不斷會覺得自己做戲好差，冇用呀、冇價值呀。覺得自己係零。」今次接拍《幻愛》，除了能與一眾好團隊、好對手合作，最大得着是他認識到精神病患者的世界，更明白到他們的處境。劉謙說：「對我演員生命嚟講，每一次參與唔同嘅作品，都係一個經歷嚟。今次就係好深刻咁認識到精神病患者嘅世界。」
這些經歷也令劉謙成長，令他領悟到凡事不能強求：「以前太着重個結果，到底出嚟個作品好唔好呢？人大咗你會發覺有太多嘢係控制唔到，而家學識不如接受。」亦因如此，劉謙雖然有份角逐金像獎「最佳新演員」，但也不願想太多：「好驚自己期待越大失望越大，去到攞獎呢啲位，通常我都會順其自。」
對於武漢肺炎疫情影響整個電影圈，劉謙反而認為這是重新開始的契機：「我有一個好大感覺，就係重新開始嘅起點。包括有好多新嘅導演、編劇，甚至乎演員嘅出現。我覺得係一個契機，締造緊香港電影嘅新時代。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
