現年25歲的蔡思韵，被喻為娛樂圈十年難得出現的本土氣質女神。在台灣生活了數年，蔡思韵說話語調比一般香港女仔優雅，她說因為習慣用「普通話思考」，說話速度較慢。
在台灣國立臺北藝術大學畢業的她，在香港時一直愛舞蹈，自小習芭蕾舞，其後又愛上現代舞，她曾經想過成為一個舞者、劇場工作者。大學三年班，一直修讀theatre表演，終有機會上電影系課堂，認識表演後，從而進一步接觸演戲。
「好有趣，莊梅岩小姐講咗一句說話，佢話我讀緊戲劇系，應該爛船有三分釘，唔會太差。」她說在18歲時，拍過Eason的mv《主施律》，到兩人在電視劇再遇上，Eason竟然認出她。
事實，莊梅岩沒有看錯，去年她憑電影《幻愛》，獲香港電影評論學會頒發的「最佳女主角」，第一部電影已經有好成績，她也始料不及。
「我無特別慶祝，但的確係第一個獎，感覺都幾匪夷所思，其實我知道獲獎後，有少少懷疑，反而有少少失眠，不斷諗自己表現真係有咁好咩？但我反醒己當時係咪已經盡咗力，知道盡力就足夠。」她說。 《幻愛》不但為她帶來第一個影后，更撮合她跟戲中對手劉俊謙的一段情。但最令蔡思韵感受至深的是，是戲中女主角令她更加認識自己。
「了解角色過程中，有好多地方唔太明白，例如佢喺愛情上好迷失，或者會利用本身優勢去獲取好處。如果有朋友係咁，我唔會理解，而且會勸對方唔好咁樣做。但隨住時間慢慢剖釋，可恨之人必有可憐之處，我反而同情同憐憫佢。」她說。 蔡思韵表示在看到女主角，面對真正愛情時選擇逃避的方式，因而反思自己如何面對愛情。
「我會發現自己對愛情都有一份恐懼，會覺得自己唔夠好，但其實好多人都會覺得自己唔夠完美。然後再反思唔夠愛自己，覺得自己唔好，係無能力接受其他人嘅愛。你可能有能力愛人，但無能力去接受愛。」蔡思韵說那刻開始，她叫自己在愛情上更要勇敢。
蔡思韵坦誠，角色回饋了她的生命。
角色豐盛了她的人生，問她有否想過會再下城，拿今屆金像獎最佳女主角，她十分坦白：「冇信心，如果得獎，可以去買六合彩。」 ----------------------------
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
