掃呢頁CODE去手機

2015年4月30日 星期四

張繼聰震波震出錢 謝安琪停工造人 [壹週刊 - 1312] 繼聰,謝安琪,BKD_S,張繼聰,M1,



Kay與經理人夏森美合作十年,經歷過高山低谷, Kay因計劃生 B不續約,兩人仍可做朋友。

探熱針

張繼聰震波震出錢 謝安琪停工造人

老婆謝安琪搵錢比自己多,曾被笑是「謝繼聰」的張繼聰,去年終憑劇集《老表,你好 hea!》彈出,自此開始多 job,豬籠入水。見老公震波震出錢途,今年七月跟經理人滿約的謝安琪已決定唔續約,停工造人!

唔敢亂嚟

今時不同往日,除了劇接劇,張繼聰還接了《陀地驅魔人》和《葉問 3》兩部電影及多個廣告代言,女尊男卑的說法不再。

「阿聰 EQ好高,以前成日俾人踩,佢都話未到最後都唔知邊個得!拍完張家輝套《陀地驅魔人》,而家排舞台劇,五月初就要飛上海拍《葉問 3》,仲有兩套劇要拍,同計劃開個音樂會紀念入行十年,啲期塞滿晒!」知情者透露。

靠《老表,你好 hea!》中 Mario一角彈出,張繼聰在劇中震波一幕更成經典畫面,震波震出錢途,多個廣告代言收入百萬計,謝安琪見老公終於捱出頭,決定停工休息,追多個。

「兩公婆一直都想生多個,但之前阿聰未搵到錢, Kay唔敢亂嚟,佢好想追個女,湊成個『好』字!」

張繼聰去年憑《老表,你好 hea!》一劇彈出,震波更成為熱話,人氣及工作齊齊急升。

兒子張瞻已經七歲,張繼聰與老婆 Kay不想年齡距離太遠,所以想盡快生多個。

不再續約

謝安琪與經理人夏森美的合約將於今年七月屆滿,雙方合作十年,想專心造人的她決定不續約。

「其實 Kay今年都係入行十年,佢好想搞個唱,不過一直得個講字冇下文,後來先知佢原來準備唔續約。咁佢都三十七歲,再生都係呢一、兩年,張瞻今年都七歲,再唔生,距離就會愈來愈大。」知情者說。

致電身在荷蘭拍新劇《殭》的謝安琪,但她的電話一直未能接通;至於經理人夏森美也是長響沒有接電話。

Kay、陳山聰、鄭嘉穎、陳凱琳等人早前已赴荷蘭為新劇《殭》拍外景,不用埋位時, Kay會與其他女拍檔飲啤酒四處遊覽。

張繼聰出名錫老婆,除了趁 Kay拍劇時會探班,老婆生日更送上蛋糕,冧爆。

搵到食

去年憑《老表,你好 hea!》扮鴨出晒位的張繼聰,錢途一片光明,連接四個廣告代言,又有電影包括投資過億、導演葉偉信點名要他做詠春高手的《葉問 3》。

廣告

SOY JOY健康食品  30萬

HPC精煉溶脂針精華  30萬

全視線  30萬

手機獎賞平台程式代言人  30萬

電影

《葉問 3》  50萬

《陀地驅魔人》  30萬

舞台劇

《謀殺現場》× 15場  10萬

合共約 210萬

鍾意就快D Share啦!