掃呢頁CODE去手機

2015年4月30日 星期四

陳嘉桓家有囍事 單親媽再婚 暑假添丁 陳嘉桓,



現年22歲的打女陳嘉桓(Rose)將再做家姐,她宣布38歲的索爆媽咪兼經理人陳瑰霖再婚,而老公傳是武術宗師陸智夫孫兒陸灼盛,並懷有五個月男B,Rose現時全力化身「柴可夫」,管接管送腹大便便的媽咪,更為迎接於暑假出世的同母異父細細佬而計劃過一個「湊B暑假」,實行做「廿四孝家姐」! 

悉心打扮的Rose自爆即將榮升大家姐,暑假將全力湊B。

成長於單親家庭的陳嘉桓與媽媽陳瑰霖(Ronnie)及弟弟陳肇桓相依為命,Ronnie於16歲誕下Rose,其後再誕下肇桓便移居加拿大,至Rose 12歲時才回歸「相認」,其後Rose獲冼國林收為徒弟,媽媽則兼任經理人,兩母女齊齊在娛樂圈拍住上!

暑假Plan「B」

這位索爆星媽Ronnie近年再逢第二春,戀上傳是白鶴派武術宗師陸智夫的孫兒陸灼盛,據聞二人拍拖年多後,上月正式拉埋天窗兼成功「造人」!Rose昨日穿背心裙出席舞台劇頒獎禮,大玩「透Bra誘惑」,心情風騷的她親自宣布媽媽已懷胎五個月,並已跟繼父註冊:「媽咪係有咗BB,開心事嚟,媽咪依家好健康!」

雖然已有年輕兩歲的弟弟,惟當得知媽媽將再添丁時,Rose亦難掩興奮之情:「我有個細我兩年嘅細佬,依家又有細我廿幾年嘅細佬,媽咪預產期係暑假,依家五個月。」將再榮升大家姐的她早已有心理準備迎接一個「湊B暑假」:「身邊朋友好多都有BB,但嗰啲係契仔女,依家終於到我玩細佬喇,我暑假之後會好忙!」孝順女Rose透露現時為身懷六甲的媽媽充當司機,相當頻撲!

激情戲有得傾

另外,為頒獎禮擔任頒獎嘉賓的Rose表示未曾演過舞台劇,今次特意前來偷師,問到可會自薦演出?她說:「之前做過一套講援交嘅戲,聽講會開舞台劇版,但未落實。」問到可會介意有激情戲?她說:「慢慢傾。(半裸演出?)睇戲份」而在昨晚的《香港舞台劇獎頒獎禮》中,劉嘉玲憑《杜老誌》獲得「最佳女主角(悲劇/正劇)」獎,可惜她不在香港,由英皇代表上台領獎。嘉玲透過英皇代表說:「呢個係好大嘅意義,開始好嚮往同享受舞台劇,會更加努力同加油!」至於張敬軒去年公演的舞台劇《EQUUS馬》則奪得「十大最受歡迎製作」獎。

悉心打扮的Rose自爆即將榮升大家姐,暑假將全力湊B。

鍾意就快D Share啦!