掃呢頁CODE去手機

2015年4月30日 星期四

馬國明冧香香 講金唔講心 [壹週刊 - 1312] 香香,馬國明,岑麗香,M1,



開劇無覺好瞓,香香攰到雙眼跌 watt,馬明就望住導演,等嗌 roll機。

同你吟一吟

馬國明冧香香 講金唔講心

之前合作《 On Call 36小時 II》已經傳過緋聞,今次馬國明同岑麗香再合作新劇《為食神探》,劇中做情侶,馬明唔執輸,居然同監製要求加嘴戲。

香香身為大台「四大處女」,馬明唔只識食,仲話傳吓緋聞對大家都有着數,因為情侶檔出活動,酬勞都多啲。

上個禮拜二(四月二十一日)劇組喺土瓜灣拍外景,平日雙眼電力十足嘅香香,是日冇厘精神,波子眼變豆豉眼,只有埋位正式 roll機,先夾硬撐大。

口口聲聲要同香香搞緋聞,但馬明都係得把口,反而掛住同班睇熱鬧嘅 C9打招呼,努力省靚 C9殺手招牌。講到尾,馬明對香香,只講金、唔講心。

埋位前,馬明同其他演員圍讀劇本,香香繼續半夢半醒。



正式,香香靈魂歸位,醒番晒!

劇情講班口罩男(箭嘴)入麵店搗亂,但由於附近太多街坊舉機影相,令拍攝進度受阻。

呢位阿叔夠醒目,成功閃入拍攝範圍近距離影星,拍外景,真係好難早收工。

鍾意就快D Share啦!