掃呢頁CODE去手機

2015年4月30日 星期四

好世界 炒無綫魷 劉威煌娶億萬富老婆 [壹週刊 - 1312] 無綫,劉威煌,M1,



咁都知?(設計對白)

探熱針

好世界 炒無綫魷 劉威煌娶億萬富老婆

○九年參加《超級巨聲》入行的劉威煌,曾被公司安排與林師傑、許廷鏗、陳鴻碩組成 SUPER 4,並在紅館開過演唱會,但到巨聲 2崛起, SUPER 4便不了了之。被投閒置散,幸好有個拍拖七年的富貴女友 Sandy撐住,去年底二人拉埋天窗後,劉威煌與無綫傾掂數解約,改簽棋人香港旗下,繼續發歌星夢。

買車獎勵

被大台擺埋一邊,劉威煌冇放棄,一三年開了間音樂中心,更與屋企有米的富貴女友林佳琪( Sandy)拉埋天窗。據了解,老婆娘家在內地有多個省部經營的礦業生意,家住中環愛都大廈並持有多個物業, Sandy本身亦有近億物業揸手。

星期三(四月二十二日),劉威煌與公司同事到車行睇車,剛簽了棋人香港的他,決定買架過百萬的 Tesla全電動車獎勵自己。

對於老婆係有錢女,劉威煌說:「係……係……我同太太一齊生活,佢屋企唔會話威煌你得唔得呀?俾啲錢你一定唔會,就算會我都唔會要,係尊嚴問題,拍拖七年好清楚!」

話雖如此,但兩年前開音樂中心,投資高達百萬。

「音樂中心係個後着,當時已經計劃離開電視台,但我仲想留喺呢行,所以唔可以打朝九晚五嘅工,同女友商量過,做音樂有關嘅嘢,間中心投資咗近一百萬。」劉威煌說。

唔想老公俾人笑話靠老婆,有錢女 Sandy與老公婚後搬住市值八百萬的香港仔南灣御園,刻意低調。

去年底劉威煌與拍拖七年的女友 Sandy旅行結婚,在巴黎影婚紗相,夠晒浪漫。

本月 22日,本刊見到劉威煌在 Tesla車行買了架百多萬的電能車,據知是慶祝事業重新出發獎勵自己。

與太太經歷過七年之癢的劉威煌,珍惜太太為他付出的黃金歲月,故決定給她名分。

在音樂監製鄧智偉的幫助下,劉威煌成功簽約棋人香港,與鄭融及 Lollipop@F同公司。

巨聲一隊長

○九年無綫自製「巨聲幫」,身為一幫隊長的劉威煌被安排與林師傑、許廷鏗、陳鴻碩組成 SUPER 4力谷,不過一年後便被《超級巨聲 2》取替。

「新替舊好正常,始終公司唔係好專注做音樂,嗰時又冇唱片公司想簽我,份約到二○一八年,咁落去都冇意思,解約係最實際。」劉威煌說。

中心內有十多間獨立房,分有琴室、學習室等不同類別。

劉威煌在事業低潮時,花了近一百萬開 Starry Music,除了教音樂外,還有補習班及興趣班。

09年曾被無綫安排與林師傑、許廷鏗、陳鴻碩組成 SUPER 4,試過出碟兼在紅館開演唱會。

精明女人

劉威煌老婆 Sandy名下有五間公司,業務以貿易和投資為主,出身富貴的她,未夠三十歲已手持近一億物業,投資有道。

愛「財」女

女星終身宏願是嫁個有錢人上岸,男星娶有錢女,早有歐陽震華、吳家樂做燈,近年成功例子,還有 Mr.主音 Alan和去年十一月才結婚的五億駙馬黎諾懿。

黎諾懿

與落選港姐李潔瑩( Nicole)拍拖四年,二人去年 11月結婚,黎諾懿雖被冠以「 5億女婿」稱號,但生活依舊。

Mr.主音布志綸

布志綸( Alan)老婆陳雪瑩( Sally)是「玩具富豪」陳明耀的千金,家族坐擁過十億資產。

鍾意就快D Share啦!