馬詩慧三母女 扮靚啱嘴型 [壹週刊 - 1338] 馬詩慧,M1,

同你吟一吟

馬詩慧三母女　扮靚啱嘴型

上星期三重陽節假，馬詩慧約埋兩個女行 ifc，大女曼喜買咗對鞋，麗嘉喺 Max& Co亦有收穫，經過 Godiva，馬詩慧落重手，兩大袋走。

著嘅食嘅都買齊，跟住輪到重頭戲，化妝品！三母女喺 Dior揀色試貨，又圍埋一齊傾講交換意見，雖然只係買唇膏，都足足磨咗接近大半個鐘。始終係搽上塊面，諗清諗楚，啱嘅！

媽子係名模，曼喜喺美國讀設計準備入行做時裝，有 180cm高過媽咪嘅麗嘉就繼承馬詩慧衣鉢，休學一年做 model，三母女約埋行街買嘢扮靚，特別啱嘴型！

三母女一齊圍住喺唇膏架前，吱吱噚！

搞咗接近大半個鐘，終於買完走得，行到出門口，大女曼喜伸手要媽咪俾袋朱古力佢攞，乖！

等店員開單，馬詩慧同麗嘉索性坐低繼續傾。

撰文：八珍

鍾意就快D Share啦！

下一篇 》