網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月25日 星期三

密密食 出軌錄音流出 鴨王 Dominic翻兜糖妹衰咗食空姐 [FACE - 444] 糖妹,鴨王,MF,

Dominic被拍得孖住新歡高版糖妹 Candy蜜遊台灣,雖然 Dominic例牌否認,不過冧爆嘅表情,又點會呃到人? 《蘋果日報》圖片 真面目 密密食 出軌錄音流出 鴨王 Dominic翻兜糖妹衰咗食空姐 做得鴨王,身邊梗係多女 ...


Dominic被拍得孖住新歡高版糖妹 Candy蜜遊台灣,雖然 Dominic例牌否認,不過冧爆嘅表情,又點會呃到人? 《蘋果日報》圖片

真面目

密密食 出軌錄音流出 鴨王 Dominic翻兜糖妹衰咗食空姐

做得鴨王,身邊梗係多女!講緊鴨王何浩文( Dominic)自從同糖妹分手,緋聞水蛇春咁長,最近仲爆出孖住新歡高版糖妹 Candy蜜遊台灣,似乎有新戀情,不過新歡原來有位 model男友 Daren。

《 FACE》收到 Daren同 Candy的電話對話錄音,整段錄音中,清楚聽見 Dominic撬牆腳罪證,女方仲話自己係賤人?關係七國咁亂,據知 Dominic一直想翻撻前度糖妹,不過糖妹嫌其花弗性格請食檸檬, Dominic呢啲係咪叫做冇咗個橙都執番個桔?

被爆孖住個樣似足舊愛糖妹嘅空姐 Candy蜜遊台灣,鴨王 Dominic有新戀情原本都係開心事,弊就弊在係橫刀奪愛做小三搶番嚟,𠵱家仲有男女主角對話證據,就唔到佢唔認!

據知有 Candy出席嘅聚會, Dominic就算幾忙都總會抽時間到場,就連朋友堆都一早已察覺兩人關係唔簡單,只係估唔到二人咁快就拍拖遊台灣啫! 網上圖片

據知 Dominic起初仲係想翻撻糖妹,不過女方嫌佢花弗性格,最終請食檸檬!

女方認賤人

Daren與 Candy的對話錄音中, Daren質問 Candy同 Dominic關係,女方最初話:「我只可以講佢( Dominic)係想追我!」 Daren連番追問下,佢仲大爆:「因為我係一個賤人囉!」

本刊事後致電 Dominic,佢只肯以 WhatsApp回覆,「都唔知嗰個邊個嚟,其他人講乜我都冇咩回應!(錄音中, Candy話你追佢喎!)要作埋呢啲?我都可以做段對話係我同 Obama傾生意」據知,此段錄音是 Daren被飛後,向朋友訴苦時曾傳給友人的,卻意外被流出。《 FACE》致電 Daren,他說︰「總之呢件事,我唔會再提,公道自在人心!」明顯仲係吞唔落啖氣!

Daren同 Candy拍拖期間,男方不時將蜜照放上網開心「些牙」,不過此情已成過去! 網上圖片

現為模特兒的 Daren,三年前參選過「 FACE UStar大專校花校草選舉」,最後仲得到「網上人氣 UStar獎」。

搵代替品

據知一向唔定性嘅 Dominic,原意係想翻撻舊愛糖妹,仲連番出招冧佳人,不過女方始終都嫌棄其花弗性格,最終食檸檬收場!「鴨王」 Dominic為挽回面子,搵咗個似足舊愛嘅 Candy作代替品,就算撬牆腳都在所不惜,名符其實冇咗個橙執番個桔!

緋聞水蛇春咁長, Dominic仲被本刊拍過孖住身材火辣嘅 Jeana,公然喺公園激情,好激㗎!

錄音足本文字版

25歲 Candy現職國泰航空,鍾情濃妝大眼 look,不時將工作照放上網呃 like。 網上圖片

高版糖妹 Candy私底下鍾意晒泳照,對自己身材好有信心㗎! 網上圖片

網上圖片

為黐王晶變「色」

Dominic唔只溝女叻,就連擦鞋嘅技術都拍得住「負皮王」梁烈唯㗎!事關原本喺黃絲一份子嘅 Dominic,自從擦掂王晶鞋後,黃絲身份消失得無形無蹤,對所有政治話題仲隻字不提!為咗上位,原來可以連阿媽姓乜都唔記得㗎!

Dominic擦鞋技術超班,好快冧掂王晶,《鴨王 2》繼續擔正。 網上圖片

未埋王晶堆前, Dominic名符其實係一名「黃絲」,不時喺網上 po支持佔中的照片,不過埋王晶堆後就再冇呢支歌仔唱! 網上圖片

採訪、撰文:娛樂組

鍾意就快D Share啦!