網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月25日 星期三

醉爆Sa】俾仔飛 蔡卓妍:男人收皮啦! __,蔡卓妍,阿Sa,

VIDEO_MP4_A 「阿Sa」蔡卓妍10年宣布同鄭中基離婚,今年同陳偉霆嘅姊弟戀又玩完,又回復單身嘅佢,早前為慶祝33歲生日,同成班朋友BBQ飲酒慶祝,但阿Sa飲大兩杯,竟然大嗌:「收皮啦你!」嘩!乜咁大怨氣呀?11月22日係阿Sa 33歲生日,雖然冇仔陪,但佢身邊班朋友就好識做,揀喺大潭開BBQ Party, ...






其他影片:>>






「阿Sa」蔡卓妍10年宣布同鄭中基離婚,今年同陳偉霆嘅姊弟戀又玩完,又回復單身嘅佢,早前為慶祝33歲生日,同成班朋友BBQ飲酒慶祝,但阿Sa飲大兩杯,竟然大嗌:「收皮啦你!」嘩!乜咁大怨氣呀?

11月22日係阿Sa 33歲生日,雖然冇仔陪,但佢身邊班朋友就好識做,揀喺大潭開BBQ Party,提早陪佢慶祝。阿Sa飽受離婚、分手重創,雖然成晚俾仔圍,但心情依然麻麻。睇番佢當晚放上網嘅相,伸晒脷賣萌,表面玩得好盡興,實則「身體卻很誠實」,就算著住全白秋裝,阿Sa依然難掩紙板人身材,明顯成個人瘦咗唔少。

飲大兩杯,阿Sa走埋去男人堆度撩人隊酒,佢先同個男性朋友講:「我同你一人一半,我哋呢啲有義氣,我哋義氣仔嚟架嘛!」自隊完,反而個朋友話醉醉哋唔肯飲,佢即刻好大反應咁話:「你醉?收皮啦你!我都未見過你醉!」對方即時乖乖自隊,而阿Sa就滿意咁話:「嚟!一陣送你返屋企!唔准揸車呀!」隊完人,飲到臉紅紅嘅阿Sa又唱歌,更隨住high爆氣氛忽然大叫:「你哋啲男人,成日都講大話!」咁感慨,真係好傷喎!

之後有朋友行去阿Sa身邊,話要同佢乾杯,阿Sa即時出嗲功,向潮牌Ground-Zero創辦人Eri詐嬌:「哥哥,我生日你係咪應該錫住我?」呢位「契哥」聽到,惟有幫手頂酒,之後又搭住阿Sa膊頭,而壽星女就好興奮咁話:「邊有人去生日會自己揸車架?呢個世界有的士架嘛!」

BBQ之後,去到正日生日當天,孖住阿嬌出活動搵銀嘅阿Sa,被問到生日願望,佢就話:「隨緣啦。」隨緣?但睇佢當晚呢番「酒後吐真言」,唔多覺喎!
鍾意就快D Share啦!