網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月30日 星期五

【網選索港姐】29歲朱千雪生日被封「最靚港姐」 郭藹明邱淑貞排第幾? __,千雪,邱淑貞,郭藹明,港姐,朱千雪,

港姐一向被稱為「美麗與智慧並重」,以前能夠當選,大部分都係實至名歸,好似有「最美麗港姐」朱玲玲、「大美人」李嘉欣、「靚靚」袁詠儀及「碩士港姐」郭藹明等 ...


港姐一向被稱為「美麗與智慧並重」,以前能夠當選,大部分都係實至名歸,好似有「最美麗港姐」朱玲玲、「大美人」李嘉欣、「靚靚」袁詠儀及「碩士港姐」郭藹明等,令觀眾印象深刻,大多數當選後,加入影視圈發展!再睇番今屆港姐初賽出現一堆「極品」,更有「吊帶祖藍」、「間尺鼻Angelica」呢啲話題人物現身,網民都想問時至今日嘅香港,唔通真係得港女冇靚女,好在啱啱完咗複選,大台算係「洗太平地」,剩低嘅素質已經平均咗……有「好動李若彤」Kelly、「高版樂瞳」張寶欣等較為似大熱(新聞連結: http://bit.ly/2u1oddu ),不過驚艷指數都不及當年……難怪啲網民要搞個選舉,回一回帶睇番歷屆咁多港姐,選邊幾位喺大家心中係最靚嘅港姐,網民King Jer早幾日喺facebook搞咗一個投票,答案噚日終於出爐,一共有逾萬位網民參加是次網上投票。排頭位有啲「爆冷」,竟然係2012年季軍朱千雪,有2989票成為第一。未知係唔係因為佢近年重返校園,讀緊城大法律博士學位,呢個好學不倦嘅精神,同埋喺大台劇認真嘅演出,為人貼地得嚟又唔高調,令觀眾眼前一亮,加咗唔少分!咁啱噚日係千雪BB嘅29歲生日,佢喺微博貼咗好多切蛋糕相,當中佢同蔣家旻、岑杏賢、湯洛雯幾位姊妹慶祝,加上俾網民選佢做最靚港姐,呢個生日零舍開心啦!而排第二就係1991年冠軍郭藹明就有2479票,郭藹明以美國南加州大學機械工程學碩士生參選,有學歷、有美貌,難怪好快被劉青雲「私有化」,早前再重播當年佢有份演嘅《大時代》,大家再睇番o依家嘅郭藹明都係keep得咁好,絕對係真美人!!!最驚喜仲有排港人心目中最靚港姐第三名嘅……邱淑貞,就有1807票,當年邱淑貞參選,是非不絕,最終因壓力問題,中途退選,之但係「豆豆」邱淑貞依然係港人心目中嘅女神級,喺90年代影圈當中,同王祖賢、林青霞、鍾楚紅、李嘉欣等,並列為絕色美人。此外,「紅姑」鍾楚紅排第四有1418票;排第五係「凍齡港姐」吳婉芳就有1374票;第六就係「靚靚」袁詠儀拎到1018票;第七係「大美人」李嘉欣有955票;排第八係「十優港姐」麥明詩拎到953票,至於第9係佘詩曼、第10就係湯洛雯。

2012年港姐季軍朱千雪(右) 1991年冠軍郭藹明
曾選港姐邱淑貞 鍾楚紅1979年參與港姐 1986年港姐亞軍吳婉芳
1990年港姐冠軍袁詠儀 1988年港姐冠軍李嘉欣 2015年港姐冠軍麥明詩
1997年港姐季軍佘詩曼 2012年港姐「旅遊大使獎」湯洛雯

來源 source: http://s.nextmedia.com
鍾意就快D Share啦!