網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年6月30日 星期五

【獨家】買衫budget夠畀首期 「衫癡」杜如風最服黃偉文衣着品味 __,杜如風,

好多女人嘅終身職業係減肥!走在潮流「尖啄」嘅杜如風,都逃唔出呢個框框,去年飽受喪父之痛,仲因此令濕疹發作,食咗三個月類固醇,搞到自己肥腫難分,經過一年 ...


好多女人嘅終身職業係減肥!走在潮流「尖啄」嘅杜如風,都逃唔出呢個框框,去年飽受喪父之痛,仲因此令濕疹發作,食咗三個月類固醇,搞到自己肥腫難分,經過一年多努力,終於可以着番中碼衫,談到減肥成功,杜如風搞爛gag咁話:「成成哋啦,Aaron Kwok,哈哈!」杜如風嘅減肥秘方離唔開狂游水同喪節食,佢自嘲:「我食緊水飯房嘅嘢,阿媽自創餐單,豆腐加嚿海參,九唔搭八撈埋話有營養唔肥,我o依家一日食一餐,唔係點減呀,零食起碼戒咗三年,但暫時未戒到汽水,以前一日飲三罐,o依家一日飲半罐。」阿媽冇鬧你唔健康咩?杜如風抵死話:「佢住喺月球係嫦娥(常哦),夜晚其實有飲湯,每日一餐維持年幾兩年,有衫買就得。」咁減法身體有冇毛病?杜如風話:「做過body check,只係膽固醇過高,好奇怪,因為我鍾意食蟹膏、海膽啩。」減肥都係為咗可以着衫靚,「衫癡」杜如風喺2年前同好友Calvin創立潮牌FUNGOLIA,最近喺中環開設期限店,究竟名氣係咪幫到生意?杜如風坦言:「我覺得係幫到,尤其我呢個brand以travel為主,我又叫做嗰啲旅遊達人,賺少少啦。」究竟每年用幾多錢買衫?佢細細聲話:「我唔敢講呀,驚阿媽聽到,我諗夠畀4、500萬樓嘅首期啦,因為我成日覺得,我買衫好開心,自己襯衫好開心,做嘢咁辛苦梗係搵嘢開心吓,冇理由買一塊地、買啲磚頭返嚟,我一啲都唔enjoy!」潮人點睇潮人呢?要杜如風選三位呢行最有衣着品味嘅人,佢即答:「Wyman(黃偉文),佢根本係識郁嘅時裝百科全書,問佢一樣可以答十樣,我真係服得佢好犀利;跟住梗係徐濠縈啦,佢着衫好有自己style好大膽,你係唔敢着出街,但佢carry到;第三個係Winifred(已故時裝女皇黎堅惠),又係專家亦好有型,可惜早走!」

攝影:沈健程、攝錄:Teddy 杜如風早前接受蘋果專訪。 講到佢每年嘅置裝費,佢就話可以畀到首期。

來源 source: http://s.nextmedia.com
鍾意就快D Share啦!