呢次佢真係打破「宿命」！
為內地網絡電影《爆裂女警》於香港開外景的藝人陶大宇，日前於灣仔街道取景，新戲中大宇演飛虎隊的頭目，在一項任務中與隊員有不少交流的戲份，對演慣警務人員的大宇而言，只要着起「大Sir」制服便警察上身，身旁演飛虎隊的演員都不時向大宇學嘢，希望感染一下大宇的氣質。
不過最近香港暴雨連場，經常落大雨，而大宇的出現卻被《爆》片的工作人員為之擔憂，笑說：「有大宇（大雨）即係開唔開到外景呢？」不過，爭氣的大宇卻成功打破「宿命」，當晚較早時份一直下着大雨，但卻在「大宇」於晚上到了外景場地準備拍攝時而停雨，導演和一眾工作員都因不用阻礙拍攝而開心，大宇又可順利完成戲份，亦為自己「大雨」之名爭番口氣。大宇笑言：「開工前我一直係餐廳等停雨，到正式埋位一刻，竟然停咗雨，真係好彩，可以順利拍咗自己嘅戲份，不過到我拍完又開始落雨，雖然我個心覺得好彩，但就辛苦咗一班繼續要開工嘅演員同事。」
來源 source: http://hk.on.cc
|
鍾意就快D Share啦！
|
|
|