2017年12月14日 星期四

腫瘤乒乓波咁大!黎瑞恩嘆:人都要死一次 __,黎瑞恩,

幸好手術大成功~真係要休息多啲喇!黎瑞恩(小恩子)突然入院進行切除腹部腫瘤的微創手術,情況令人擔心,手術成功的她接受東網訪問時即平安:「我冇事,唔使擔 ...


幸好手術大成功~真係要休息多啲喇!


黎瑞恩(小恩子)突然入院進行切除腹部腫瘤的微創手術,情況令人擔心,手術成功的她接受東網訪問時即平安:「我冇事,唔使擔心,只係做微創嘅小手術,手術做咗個幾鐘,係良性瘤,(依家傷口痛唔痛?)梗係痛啦,小小痛」

「個瘤大得好快」

問到腫瘤有多大?她表示:「有個瘤啫,佢大得好快,個幾月大成兩cm有多,個瘤都有乒乓波咁大,黑色嘅,由一個軟嘅嘢變成一舊硬嘅嘢,大家保重身體呀。」她又指因為明年要舉行紅館演唱會,而且期間要錄音又要跳舞,還有其他一連串工作,雖然醫生表示可容後再做手術,但她又擔心:「但係等多兩個幾月,如果我真係要割咪大鑊?咁梗係唔等,快啲割咗佢,我仲有得休息幾日,我真係得閒死唔得閒病。」

「本來唔想畀人知」

小恩子又表示本來想低調入院做手術,因她不想人擔心,故不想人知,但因為近日不停推日工,開始被人懷疑她,故她才一次過公開:「我冇事,大家唔使擔心。」又指連自己不知為何有腫瘤,之前做Body Check都沒發覺,是近期才知腹部生了腫瘤。

「個天安排你要死就死」

問做手術可擔心有生命危險?小恩子樂天地說:「唔使驚,個天安排咗你要死就死,冇聽過閻王要你三更死,不可留人到五更咩,凡事樂觀面對咁就冇事囉,個天要你死就死,邊有得避嘅啫,人點都要死一次,怕咩啫。」她又搞笑的說,本來想順便做抽脂減肥,不過現時不用可以「天然瘦」:「我仲想抽埋脂,但幾日都冇食嘢,又吊鹽水,冇嘢食,肯定瘦啦。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...