歌迷為見偶像不惜通宵排隊。
台灣天王周杰倫（周董）日前宣布明年在紅館舉行的「AXA安盛呈獻：周杰倫地表最強2世界巡迴演唱會Part 2-香港站」加開四場，加場門票於早上十時公開發售，每人限買四張，可售門票數量與首輪開售相約，尖沙嘴售票處門外大排長龍，當中不乏「過夜」排隊人士。
排第20位的香港人吳小姐表示：「尋晚（13日）夜晚6點就嚟排隊，好凍呀尋晚！（想買咩價位嘅飛？）想買$1180或$480嘅位，依家都有少少驚買唔到。（如果等陣買唔到飛會唔會買炒價飛？）買唔到都唔會買炒價。」而排後面的黃先生則表示昨晚（13日）大約7時開始排隊：「都擔心買唔到飛。（係咪周杰倫Fans？之前有冇睇過佢嘅演唱會？）係佢嘅Fans，未睇過佢嘅演唱會，所以今次想用正價買飛睇。」
截至十時四十分，職員向排隊人士表示尚餘少量演唱會門票：「依家入去嘅人職員會幫你撳飛，只有2分鐘嘅時間買，或者可以選擇離開。」但當時未見有人離去。
排隊人士相繼進場選購門票，吳小姐透露只有頭三名人士能成功買門票：「買唔到都好失望，聽聞佢哋早兩個星期嚟排隊。（會唔會買炒價飛？）唔會，堅持唔買，或者會搵其他途徑拎飛，我有朋友啱啱上網買到兩張飛。」黃先生亦指未能買到門票，笑言：「買唔到都好開心！」
來源 source: http://hk.on.cc
|
鍾意就快D Share啦！
|
|
|
