曾經杯麵當飯食足成年的陳雅麗，如今見到杯麵都打冷震。
探熱計
北上學戲捱苦《女兒國》陳雅麗食足一年杯麵
賀歲片《西遊記•女兒國》中同飾演沙僧的羅仲謙拗手瓜，結果連羅仲謙都成為手下敗將的侍女瓔珞，原來她正是去年為 Anjaylia（陳嘉賓）擔任伴娘，於 model年代拍住上搵食的陳雅麗。
當日大學畢業，遇上現時的經理人公司願意栽培成為演員，條件是放棄香港一切，北上進修兼留京發展。 Alice（陳之洋名）孤注一擲，捱足整整一年杯麵， keep住同阿媽喊住傾電話，現在總算開始有人認識，電視、電影輪住拍。
放棄一切
陳雅麗大學時期開始兼職做 model，即使不像 Anjay（陳嘉寶）拍了一個好多人認識的廣告，但她工作從無間斷，曾經考慮畢業後，專注 model工作上，偏偏大學一畢業，有經理人公司敲門安排她轉型拍電影，條件是她要到北京電影學院進修一年，順道留在當地發展，方便試鏡。要放棄香港一切談何容易，加上唔識普通話，對北京又零概念， Alice好想一口拒絕，但係左度右度，又怕自己錯失機會，惟有四出搵朋友俾意見，得出多一技傍身無壞，考慮個多月，決定執行李走人。 Alice表示：「一世人一次， you only live one，公司幫我報咗名（北京電影學院），租好屋，我只係拎咗兩件行李同積蓄，就上去北京。」
日日喊
Alice坦言天氣、飲食、文化無一樣適應，加上無工作零收入，為了慳得一蚊得一蚊，一日兩餐杯麵搞掂，足足一整年，直到進修完成情況先有改善，她說：「我知道呢次係攞我啲積蓄賭一鋪，所以真係要死慳！同我媽咪傾電話係我唯一嘅娛樂，佢係一個好眼淺嘅人，成日驚我一個女仔無湯水，自己一個人又有 homesick，每次傾親電話兩個都係喊住收線。」
返學幾個月，公司安排陳雅麗電影試鏡，原意只是想她知道試鏡是什麼一回事，沒想到第一次一擊即中，接下人生第一套電影《潘多拉的寶劍》。「去 casting之前公司已經同我打晒底，叫我唔好抱太大希望，成日會俾人 turn down，無諗過第一次會咁順利。」
留京六年
年僅三十歲的陳雅麗（ Alice），香港出生，早前，被封陳嘉寶美女姊妹，即被網友起底，自小兼職模特兒的 Alice，在學期間拍過多個電視及平面廣告， 11年大學畢業後，被電影公司安排到北京電影學院進修，花了六年時間留京讀書、拍戲，連不少香港演員都以為她是內地女仔。
從小角色做起， Alice於內地有不少演出機會，拍過電影《潘多拉的寶劍》、《不賤、不散》等，曾跟惠英紅、劉亦菲等合作，亦試過面試荷李活電影《變形金剛 4》，可惜最後三強被淘汰，去年受公司欽點力捧，首次演出大製作電影，現時經常中港兩邊走。
攝影：黃志明
Hair： Nick Lam@Orient Make up： Natalie soo@ndnco
服裝： toutà coup 場地提供：火水爐冰室
|
鍾意就快D Share啦！
|
|
|