熱爆娛樂: 7° C波照踢 71歲家英哥踢足全場 [壹週刊 - 1458

2018年2月15日星期四

7度低溫，家英哥活力過人。

早排天氣凍到一個點，要離開個暖笠笠屋企，真係要鼓起好大勇氣。 71歲嘅家英哥同 56歲嘅關禮傑一於少理， 7度低溫， keep住約明星足球隊隊員練波。

射波、控球無停過，點睇都唔似 71歲。

有份落場踢的范振鋒（箭嘴），體力竟然不及年紀差一截的關禮傑（圓圈）及羅家英。

踢到㷫烚烚，家英哥在隊友的協助下除掉外套。

天氣實在太凍，好多人「係咁意」踢一陣就「柄埋」，甚至走人，家英哥同關禮傑最認真，控球、追波全場無停過，踢到中段家英哥仲熱到要除走外套添。一個鐘話咁快就過，出咗一身汗嘅家英哥勁醒神，拎住波鞋同波友 say個 bye就走，急急腳唔通約咗阿姐撐枱腳？

早前應李思捷邀請，埋位客串電影《一家大晒》。

家英哥同汪阿姐各有各忙，早前兩人抽空郊遊過二人世界。

踢足全場，毫無半點疲態的家英哥，拎住波鞋先行離開。

撰文：八珍　

攝影：蕭敬漁、志輝

鍾意就快D Share啦！