尋日情人節係情侶們嘅放閃日，個個都喺社交網大晒恩愛，真係唔戴番副超唔好上網！而圈中唔少藝人都係第一年以父母身份過情人節，唔晒恩愛改晒溫馨！
杏兒囝囝獻吻
先嚟嘅就係胡杏兒，佢喺2017年10月誕下囝囝Brendan，佢就微博上載咗兩張相，原來老公李乘德（Philip）要做嘢，所以杏兒就同囝囝過！見到Brendan錫錫杏兒，真係超Sweet！而最吸睛嘅就係Brendan一雙水汪汪大眼睛，仲有超深雙眼皮，真係好標致！網民都大讚好可愛呀！杏兒留言：「所以我的小情人知道爸爸要工作，所以代替他給了媽媽一個香吻，謝謝寶貝，祝大家情人節快樂！！」
吳若希首次帶囡囡搭飛機
而第二個就係去年4月生咗囡囡淼淼嘅吳若希（Jinny），雖然佢情人節前夕話老公Alex係大話王，但原來只係甜蜜的負荷！佢喺微博上載一家三口照，見佢素顏抱住囡囡，老公就瞓咗覺！原來第一次帶囡囡搭飛機，仲要冇傭人姐姐幫忙添，佢留言：「我的情人節，是在飛機上過的～第一次帶淼淼搭飛機，還好機程很順利，淼淼也一點也沒鬧感謝天～～我唱的安眠曲不但把孩子哄睡了，連孩子他爸也催眠了～～ 🙈🙈🙈🙈第一天沒有工人幫忙自己帶孩子的感覺太充實了~~~」另外，佢又上載咗張自己同老公各自拎住一大紮玫瑰花嘅合照，真係閃到呢～
JJ囡囡正面首曝光
最後就係女神賈曉晨（JJ），佢喺上年11月為老公樊少皇生咗B女「小飯兜」，JJ上載同囡囡合照，但佢就戴上口罩，囡囡就包到冚！不過另一邊廂樊少皇都喺微博晒出合照，今次仲係「小飯兜」正面照首曝光添！雖然張相有啲濛，但都見到B女非常可愛呀！
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|