Ellen簽咗新公司，即刻有資金賺番蝕咗嘅錢。
歌手盧凱彤（Ellen）到電台宣傳由林夕填詞的新歌《荒原》，內容講述於混沌和不安的世界之中保持美麗和自尊：「我同林夕都係情緒病嘅過來人，喺台灣碰面討論咗好耐，好想同大家分享呢幾年經歷嘅痛苦同走過嘅過程，用一種搖滾加激烈加電子嘅音樂去表達。」她坦言二人傾的時候勾起很多慘痛經歷，大家都眼濕濕，但不希望簽新公司就派慘情歌，希望歌曲把力量給予有同樣經歷的人。
同太太分開兩地
Ellen表示加盟新公司的計劃是出廣東歌EP：「多啲返香港，同太太要分開兩地，佢要喺內地拍戲，我哋盡量搵時間見面，要偷雞返台灣。（捨得？）唔捨得，但要賺錢！」她慶幸新公司的自由度很大，又有足夠資金支持，雙方都想為樂壇注入新元素。說到與at17拍檔林二汶簽了不同公司，Ellen指大家仍然可以找她們工作：「我哋有我哋嘅方法拆賬！」
造碟蝕30萬
她又笑言現在造歌會快了一點，因為以前先要儲錢才可製作歌曲：「之前造碟蝕咗30萬，簽咗公司咪即刻有資金。（賺番蝕咗嘅錢未？）開始緊，但OK嘅，好心甘命抵同開心。」她指做完at17演唱會就已賺回，不過暫時未有計劃再開騷，要先儲歌。
來源 source: http://hk.on.cc
|
鍾意就快D Share啦！
|
|
|
