金南珠表示挨了多個月餓，拍畢《Misty》後有同老公大擦一餐。
現年46歲的韓國女星金南珠最近憑JTBC電視台的話題作《Misty》回歸公仔箱，劇集已於上月24日播畢，不少觀眾都大讚她有魅力，即使已經過了40歲，身材依然弗爆，而早前在發布會上表示已有5個月不能吃正常餐飲的她，最近受訪時就透露仍在Keep fit。
幾個月來Keep住在47至48公斤的金南珠，一直只能吃雞胸肉或者幾片紫菜包飯，十分陰公，而她近日接受韓媒訪問時便笑指：「劇集拍完晒之後，忍咗好耐嘅我有食餐好嘅，有食到韓餐同埋食咗好多辣嘢，我本來好鍾意食辣，但因為要減鈉而冇得食，我拍完之後，食咗雞腳、豬手同蝸牛麵，仲同老公飲咗好多酒。」
金南珠笑言因為狂食而又重了3公斤：「因為又到咗50分斤，所以覺得唔太對路，覺得唔再係高惠蘭（劇中角色），所以又減返1公斤。」她表示女演員的體重都不過50分斤，所以不得不在意體重。
來源 source: http://hk.on.cc
|
鍾意就快D Share啦！
|
|
|
