媽媽真係好偉大呀！
現年33歲嘅無綫主持梁麗翹（Nicole）去年12月宣布造人成功！數吓手指Nicole懷孕已經差不多八個月，今日佢就喺社交網分享佢懷孕嘅經歷。
Nicole喺自己嘅社交網留言：「《#孕吐》知道自己懷孕之後，最快出現嘅Symptoms（徵狀） 係好攰好眼瞓，成條喪屍咁。跟住就係口味改變，作嘔作悶，嘔出嚟可舒服一陣， 但係之後又想嘔！佗B真係睇人，你舒服係你好彩，人人反應都唔同，有人冇事，有人三個月，有人半年，有人嘔足全程；初懷孕媽咪唔好期望遲啲冇事，怕你失望。我開頭都以為自己冇嘢，不過八周後就嚟料！嘔到6-7個月，坐車又暈車浪，食得多飽得滯想嘔，唔食嘢仲辛苦！不過，每日同自己不停洗腦，心中諗住，『都係一種經歷，唔會死嘅，要感恩要加油！好快就過去！』 口味改變咗，最喜歡食豬扒飯同湯粉！我諗有自己喜歡的食物都幾緊要，在冇胃口時食少少塞飽個肚！」
Nicole仲話佢因為怕肥所以唔敢飲市面上嘅媽媽奶，認為均衡飲食就夠咁話！但胃口真係好差嘅時候佢就會靠飲豆漿嚟「吊命」。佢話其他孕媽媽如果真係想飲媽媽奶粉最緊要係揀一隻易入口同比對吓成分就OK！
做媽媽真係唔容易，聽到都戥佢辛苦呀！希望Nicole生番個肥肥白白嘅B女，咁就咩都抵番晒
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
