爸爸說話你要聽！
藝人姜大偉出席無綫劇集《逆緣》宣傳活動，他在劇中的縮骨形象引起不少回響，對此，姜大偉笑言：「做戲咋，我本人好好。（同你嘅大俠形象好唔同？）近期都冇乜機會做大俠，不過呢套劇嘅形象都冇人話唔鍾意，唔係乞人憎，所以都ok。（係咪抗拒同于淼飾演老夫少妻？）唔會，點會抗拒，我係怕佢抗拒，同個咁老嘅做夫妻。（你哋有冇親熱鏡頭？）冇，我哋唔係色情戲，只係感覺上好愛大家。」
另外，有指其兒子有意入行？姜大偉稱仍未知，兒子仍未畢業：「佢都未知自己意向，畀多啲空間佢，等佢諗清楚，無論佢想入行定繼續讀書都會支持佢，佢都鍾意煮嘢食，佢去法國學廚我都支持，但最重要係堅持到底，唔好做做吓唔做，因為依家好多後生仔都係咁，我以前都係咁。（有冇同佢講吓呢行點辛苦？）唔止呢行，行行都辛苦，但呢行辛苦得嚟多姿多采。（你鼓勵佢入行？）唔係話鼓唔鼓勵，會支持。（係咪有娛樂公司接觸佢？）有兩間公司搵佢試鏡，佢好緊張，其實得唔得都冇所謂。」
來源 source: http://hk.on.cc
|
鍾意就快D Share啦！
|
|
|
