掃呢頁CODE去手機

2018年4月27日 星期五

【吳綺莉有回應】卓林自爆患創傷後壓力症:成個月無家可歸 __,卓林,吳綺莉,吳卓林,

【新增內容】卓林與30歲外籍同性密友Andi近日被指「失蹤」,傳吳綺莉曾經報警,前日網上流傳一條卓林喺周二(24號)於加拿大「尋爸」嘅影片,卓林去到一 ...


【新增內容】

卓林與30歲外籍同性密友Andi近日被指「失蹤」,傳吳綺莉曾經報警,前日網上流傳一條卓林喺周二(24號)於加拿大「尋爸」嘅影片,卓林去到一間超巿向店主講「我想找我爸」,隱約聽到收銀員講出「成龍」兩個字,但片段中,卓林冇講為何會喺加國搵爸爸(新聞連結:https://bit.ly/2Kh6RBA)。

原來卓林同Andi同日(24號)喺YouTube放咗一條「求助」影片,片中見佢哋指自己無家可歸,卓林再次喺自己介紹時講自己係成龍個女,更要大家轉發影片,佢哋自爆患有創傷後壓力症(PTSD),感到慌亂,怕自己講得唔好,所以準備「貓紙」講稿,請大家諒解,佢哋拍片嘅原因係想關心佢哋嘅人知道發生咩事,只能於互聯網尋求幫助,佢哋唔清楚下次仲有冇機會可以上網,所以可能短暫內不能接觸大家,「我們的愛比你們想像更強壯,但我們也感到疲累。沒有人能幫到我們,包括我所認識的人、家人、朋友及政府機構」。睇嚟佢哋反映內心有幾無助。

一開始片中嘅卓林認真咁話:「大家好,我係成龍個女,呢個係我女友Andi,我哋成個月無家可歸。」而身旁嘅Andi講:「我哋搵過晒身邊嘅朋友幫手,佢哋都知道個庇護所會分開我哋,如果我哋去任何政府機構,我哋都會被分開,我facebook上冇人肯聽我講,打電話俾人,冇人聽我電話。」

卓林又指自己o依家都唔知發生緊咩事,指佢哋曾報警、去過醫院及食物銀行,又去過一個慈善機構,跟住卓林爆粗「They don't give a sxxt」(但都得唔到幫助),所以佢哋拍呢條片,卓林又話:「我哋呢一刻都唔知可以點樣做,想大家分享呢條片,令大家知道兩個相愛嘅人被迫分開,佢哋迫我哋分開。」

一講到佢同Andi要分開,卓林再爆一句「fxxk us over」,卓林望Andi講「我愛她」,Andi即錫咗卓林一啖,卓林再講咗一句:「我只係想大家知道發生緊咩事,喺呢一刻我覺得件事好荒謬,冇人幫到我,我都唔明。」

雖然片長達1分49秒,但卓林同Andi冇講出自己發生咩事,只係話無家可歸,同埋身邊冇人幫到佢哋,又冇講出聯絡方法。

吳綺莉剛才回覆《蘋果》,公開批評Andi,吳綺莉話:「30歲人,佢話自己係老師,你問佢乜係正面價值觀?我哋30歲嗰陣,我哋都博命工作,若佢嘅人生冇咩唔妥,點解唔搵份工,冇藉口嘅,世界咁多窮苦。」

之後吳綺莉再電話回覆《蘋果》,對於卓林拍片放上youtube尋父,又話自己有創傷後壓力症候群,吳綺莉話:「有壓力就去睇醫生,解決心理問題,唔係擺上網分享。佢之前有睇醫生,但佢係唔想睇嘅,佢朋友話佢其實係冇問題,社工亦好想幫佢,大家等緊佢回頭,人要向前看,唔係變成一個理由令自己唔做嘢。」

吳綺莉又講到Andi:「佢話自己係老師,佢應該有正確價值觀,一個人係要努力工作,政府啲錢係要留比啲冇手冇腳真正有需要嘅人用,希望佢哋唔好嘥時間拍咁多片,咁係冇意義,宣傳係有好多方法,老師應該做番老師本份,冇嘢做就要去搵工,唔係喺度拍片,搵個正當工作,唔應該利用別人個名,唔該唔好教壞細路。」

精選娛聞,喺晒《娛果》

http://fb.com/appledailyent



卓林同Andi於今個月24號喺YouTube放咗一條「求助」影片。

卓林喺介紹中,自爆患創傷後壓力症候群。網上截圖

前日網上流傳一條卓林喺周二(24號)於加拿大「尋爸」嘅影片。

鍾意就快D Share啦!