Gin Lee接受性感冇底線。
歌手李幸倪（Gin Lee）出席跑車活動，問到可會想買跑車？她說：「遲啲先，我係幾鍾意揸車，但香港路窄，好大壓力，所以我喺香港少揸車啲，遲啲等我熟啲路同練習揸車技術先再買。」問到她可會飆車？她笑言：「唔鍾意呀，我好細膽，記得以前中學時坐過男同學嘅車，飛得好快，公路上有140km（時速）咁快，陰影咗好耐。（男朋友？）唔係呀，唔熟㗎，好驚有生命危險，但因為我哋趕住去考試，所以好不幸咁坐咗佢架車，但我同佢講其實可以揸慢啲，我哋唔係真係咁趕㗎咋，但佢唔聽，之後我就冇再同佢聯絡，太驚啦。」問到可是對飆車的男生沒有好感？她則謂：「爸爸同我講係要學識揸快車，但要安全，如果趕時間就要識揸，所以唔係揸快車一定係衰人嘅，只係要安全為先。」
唔夠瞓病咗
講到6月紅館演唱會的籌備情況，Gin Lee坦言最近生病了：「因為做好多宣傳、又要排練，忙得滯，又唔夠瞓，抵抗力差咗，我咳咗好多晚，醫生話係氣管發炎，咳咗幾晚瞓唔到，但依家好番啦。（影響演唱會進度？）我呢個星期停晒做Gym、排舞，暫時休息先，過多兩日可以再操番。」見到她身形Fit了，她坦言距離目標還剩少少：「我想減多2公斤，同埋想線條再明顯啲。」
唔怕性感最緊要靚
Gin Lee在台上透露今次個唱服裝和音樂會無底線，她謂：「係呀，最重要係精彩、好睇同好聽，服裝都係配合表演。（服裝會係有史以來最性感？）其實未知呀，因為仲度緊啲衫，未確實，但我冇底線，靚就得。」問到Deep V都可以接受？她笑言：「冇問題，碎料呀。（咩先係勁料？）我都唔知，因為冇底線，我都好期待。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
