楊明嘅上位之路一啲都唔易行！
楊明是近年上位最快的小生之一，但不經不覺他入行已經近二十年。早年楊明事業陷入低潮，大概七、八年前他決心發憤，連焦屍也不介意做，努力換來機會，特別是無綫高層曾勵珍獨具慧眼看到他的改變，為他鋪路主攻處境劇，令他成功入屋。
無綫小生楊明早前在劇集《果欄中的江湖大嫂》飾演一個「長氣」社工，劇中拍檔馮盈盈被他日哦夜哦輔導。原來現實中入行接近二十年的他也「長氣」以自身經歷鼓勵失意同事，他說：「我哋呢行好多失意、挫折，有時傾開偈，我都會哦佢哋講番自己嘅低潮，我有責任去講，唔想見到佢哋就咁放棄。」
錯誤中學習
楊明近年事業漸入佳境，但有段時間也陷入低潮，由出道飾演正面乖乖仔角色，後來卻愈做愈沉，大反派、強姦犯、二世祖全部離不開他，他說：「二世祖我都做咗三、四年，其實係自己不知天高地厚，嘥咗好多機會，不過，亦慶幸自己喺錯誤中吸取經驗先有依家嘅楊明。」
楊明的伯樂無疑是無綫高層曾勵珍，他說：「七、八年前珍姐叫咗我上去傾偈，當時冇人相信我嘅能力，珍姐竟然獨具慧眼睇到我嘅改變。其實喺佢叫我傾偈之前我已經開始改善，畀心機做嘢，點解咁辛苦，得幾千蚊人工仲要留喺度呢，就係之前浪費咗好多機會，要話畀人知我係做嘢嘅，當時任何角色都接，乞兒、燒焦嘅屍體都做，工作態度畀人睇到，先值得人畀機會。後來珍姐安排拍處境劇，不停咁拍、練習、進步好大，慢慢入屋。」
愛上女漢子
《果》劇中楊明有個非一般女友馮盈盈，現實中的女友莊思明同樣有型，他笑說：「女友好有性格，就係鍾意呢啲，唔會嬌嬌嗲嗲，佢係女漢子，小鳥依人就唔好搞，長時間貼身膏藥，我會毛管戙。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
