陳百祥指今年計劃與王晶合作開拍賀歲片。
藝人陳百祥（阿叻）與名模陳祉妤（Balia）等出席支持香港高爾夫球界活動，阿叻表示高球是自己其中一項運動，絕對老少咸宜：「打到謝賢咁嘅年紀又得，謝霆鋒個仔都打到。」他並不認為高球是有錢人玩意，其實任何人可以網上租場玩，去練習場只需要百多元：「即使你去踢波打籃球都要租場，係高球可能比一般運動貴少少，邊個消費咪邊個做到。」他續指香港是自由和商業社會，有不同運動才能促進社會平衡及進步，故絕對支持推廣高爾夫球。
問會否到俄羅斯觀賞世界盃足球賽？阿叻表示會同朋友去，已經買了四場門票，但遇着要開戲，屆時定必會撞期：「而明星足球隊就應承咗Now TV要做，但我就唔得啦。（唔上得鏡？）我隨時上得鏡，去邊度都得，但唔想就時間，我合約精神喺腦入面，現階段想做乜就做乜。」他表示自己從來都是自由身，形容自己太瀟灑，沒太多負擔及苦惱。他又透露今年計劃與王晶合作開拍賀歲片，笑指對方能夠將他拍的電影，變成每一套都收得，故沒有王晶的話是不會開。
來源 source: http://hk.on.cc
|
鍾意就快D Share啦！
|
|
|
