恭喜晒！ （圖：ViuTv電視截圖）
《第37屆香港電影金像獎頒獎典禮》正式頒獎，第一個獎是「最佳新演員」，由古惑仔鄭伊健、謝天華、陳小春、錢嘉樂及林曉峰負責頒發，眾人說出自己新一套電影的年份及有沒有得獎，輪到陳小春說話時，當年曾得獎的他連自己幾時出道都忘記，不停口窒窒講錯年份，要錢嘉樂幫他兜。
「最佳新演員」一獎由凌文龍、梁雍婷、鄧月平、歐鎧淳及陳漢娜角逐，最終由凌文龍憑《黃金花》得獎，得知賽果後，他與戲中母親毛舜筠擁抱，毛舜筠激動得喊晒口，凌文龍在台上亦哽咽地說：「多謝大家，我真係好開心，要多謝好多人，多謝製作團隊，呢部戲好有意義，多謝發展基金支持，多謝導演陳大利、特別多謝毛姐（毛舜筠），你推薦我參與呢部戲，拍攝過程你好照顧我。」他又多謝契媽余安安，令台上的余安安又喊晒口：「你知我要拍電影，義務做我經理人，有你，我先可以企喺呢個台上面！」他又多謝香港話劇團、老師同學、家人及台前幕後。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|