做過經理人嘅工作，陳輝陽先至明白有幾難。
音樂人陳輝陽與女聲合唱將於4月21及22日舉行翻唱陳輝陽作品的演唱會。問到他的創作靈感從何而來？他表示除了自己及朋友的經歷，還來自書本、電影、音樂和想像：「我冇乜試過缺乏靈感，問題係揀邊個靈感去寫。」至於女聲合唱的運作，最難是遷就眾人的時間練歌：「其實係關於對唱歌嘅熱愛。佢哋好團結、好友善，唔係一班好嘈嘅女仔。（如果意見不同會點？）我覺得有意見就應該講。」陳輝陽形容女聲合唱代表下一代如何表達音樂，他會贊同這班女生的大部分意見：「不過有時佢哋想去番原裝咁，我就唔想，佢哋嘅合作有合唱嘅氣氛。上次翻唱《少女的祈禱》同《垃圾》，呢兩首歌嘅成績本身已經好好，翻唱《絕》都要畀唔同嘅感覺大家。（好多人話聽到想喊！）呢個係合唱嘅威力！」
歌手同歌一樣有「命」
至於繼秦馨敏（Emily）後，可會想再於女聲合唱中多簽一位歌手？他直言不會，因為自己比較喜歡創作，沒興趣亦不擅長做經理人：「我未試過由新人歌手造起，以前都係接Order寫歌，依家做埋落Order就知當中嘅苦況。其實好難，尤其係今日嘅流行樂壇同10年前比係難100倍。」他透露會繼續為Emily推出新歌，又會洽談電視節目等，希望她接觸不同觀眾：「不斷喺唔同地方唱Live，成功歌手要有好嘅作品，仲要唱歌唱得叻。（有咩目標？）冇㗎，歌手同歌一樣有『命』，我唔覺得寫咗隻歌就係我功勞，唔使刻意推佢去第一，但會咩都試。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|