趙世曾，城中風流史紀錄保持者，幾十年環繞佢嘅新聞，就係千手觀音都數唔曬嘅女伴。最近81歲嘅佢決定投資開拍自傳式電影及出書，將大半生紀錄落嚟作紀念。開拍自傳，佢話只因近年好多作家，及電影界嘅人，唔單只香港，還有美國、歐洲、日本甚至俄羅斯都有人向佢敲門邀拍自傳。
透過自傳，趙世曾最想俾外界了解佢一面，係佢成功創業，在地產界嘅風雲。「我哋做地產超過半世紀，好多地產界風雲人物同我合作過，譬如新鴻基郭德勝、新世界的鄭裕彤、恒基兆業的李兆基，及龔如心等。
雖然我都需要爸爸支持，但我冇承繼家庭的遺產，我係自己白手興家，呢個故仔可以鼓勵年輕人點樣達成自己夢想。我讀建築，喺英國嘅大學畢業，返到香港第一件事就係開則樓任則師，搶到啲生意返嚟，然後儲到啲錢來投資地產，呢個就係我嘅開始，至於詳細情況，譬如第一桶，請大家到時睇電影」81歲，一身公子打扮，畫咗眉嘅趙公子，依然好醒，識得賣個關子。
不過風流帳，應係至係自傳嘅戲肉喎！要講得曬，分分鐘開拍十集都講唔曬！
「戀愛呢部份當然會有。你哋睇嗰啲雜誌報紙講嘅 ..準確性只有兩成半，有偏差。你睇我好似Play boy，好冇良心，唔負責任，全部都係假嘅，其實我係負責任嘅人，每個女友我都俾適當嘅安慰，等佢生活好才同我分手，開心嚟開心走。」
立即按此連結Download:
https://goo.gl/NVySCK
來源 source: http://nextplus.nextmedia.com
|
鍾意就快D Share啦！
|
|
|