美中不足。
歌手鄭欣宜一連兩場紅館處女騷來到最後一場，完騷後欣宜接受訪問表示鬆一口氣：「咁就完咗，真係覺得唔夠喉！希望大家都覺得好睇，希望有Part 2！」她又自嘲話以成世人嚟講，於舞台上的自己才是最清醒的，平時就矇查查唔知做緊乜咁，所以真係好多謝各方支持自己今次開騷。
談及連續兩晚耳機都有失靈情況，是否會感到美中不足？欣宜即時大嘆一口氣，再無奈話係，並說這個是學習的經驗：「但點都好The show must go on.（表演一定要繼續），但聽唔到嗰刻真係好緊張，個心都跳埋出嚟咁滯！因為想畀最好嘅嘢大家睇。」她自爆耳機出事原因：「有一邊耳機機身裂咗，我又大汗，啲汗入咗就冇聲，但我都用盡自己能力唱到最好，希望大家體諒，如果呢方面減分嘅話，希望喺跳舞到可以搭救番。」現在的腳傷情況？欣宜指情況比起想像中好，跳舞太High都唔記得痛楚，不過就大爆頭場完騷需要冰鎮消腫，最後見到觀眾的熱烈反應，就覺得一切都值得。
講到爸爸鄭少秋撐足兩晚，欣宜即時笑笑口話：「佢真係好搶鏡，嗰人又高又靚仔，全晚都淨係見到佢，好支持我。」她又指有家人如契媽專登在加拿大飛返香港現身支持，還有一直誤以為是新歡的最好男性好友：「佢一直呃我話嚟唔到，見到佢真係好Surprise！」再問到離開舞台前的「擁抱」動作是否代表抱着已離世的媽媽？欣宜表示留待各位自己去理解。
此外，欣宜亦非常感謝伴舞的8個健美Dancers：「我學嘢好慢，但佢哋每次都出盡力陪我，又拍咗短片畀我支持我，好感動！同埋今晚嗰個招牌擘髀動作我Hold耐咗，自己都覺得好犀利！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|