【結婚一周年】偕方媛遊杜拜被撞破 城城拒絕Fans合照 __,方媛,郭富城,城城,

前幾日郭富城太太方媛（Moka）喺Instagram貼咗幾張機艙照，話俾大家知佢外遊（新聞連結：https://bit.ly/2HjU5V8），雖然佢 ...

前幾日郭富城太太方媛（Moka）喺Instagram貼咗幾張機艙照，話俾大家知佢外遊（新聞連結： https://bit.ly/2HjU5V8 ），雖然佢冇講目的地喺邊，但睇佢個樣好開心吓。

Moka噚日就喺微博貼相，佢留言話：「太陽很大用圍巾遮一下，拍到幾隻可愛的野生小動物，分享給你們看，想給牠們餵點吃的」，相中嘅Moka一身白色打扮，用圍巾包頭，仲戴住太陽眼鏡，睇嚟真係好曬。佢仲雙手合十，背景似係啲沙漠或城堡咁，估計佢去咗中東國家。

到底Moka去咗邊度呢？

有網友喺微博貼相，聲稱喺杜拜撞見城城，可惜城城疑因不想被打擾，拒絕網友合照嘅要求。相片見到穿着一身白色長裙嘅Moka，蹺住一身黑嘅城城，非常輕鬆，而城城除咗孭背囊外，右手仲挽住一大袋嘢，唔知係咪戰利品。見佢哋兩公婆輕鬆行街，可能囡囡今次冇份同行，城城又可以同老婆二人世界。

數番手指，前幾日係城城同Moka結婚一周年紀念，相信佢哋此行就係慶祝。其實上月底Moka復工嗰日，曾經被問到點樣慶祝結婚周年紀念，當時佢仲話未諗點樣慶祝（新聞連結： https://bit.ly/2I7yTgM ），唔知係口密吖？定係真係城城送驚喜俾佢呢？

精選娛聞，喺晒《娛果》

http://fb.com/appledailyent

（微博圖片）	方媛更新微博（方媛微博圖片）	 見佢包成咁，應該真係好曬！（方媛微博圖片）
 城嫂攝中嘅動物（方媛微博圖片）	 有網友喺杜拜撞見城城兩公婆（微博圖片）	 但合照要求被拒絕（微博圖片）
 （微博圖片）

來源 source: http://hk.entertainment.appledaily.com

鍾意就快D Share啦！

下一篇 》