幸福呀！
時裝設計師何國鉦本月22日正日生日，他在社交網留言：「剛踏入午夜十二時，我又大一歲，隨着年紀增長，我更珍惜身邊的家人及朋友，感謝過去在我生命中出現過喜歡或討厭我我人，是你們令我更加認識自己的優點及缺點，更加珍惜我現在擁有的一切，我會繼續努力做好自己，不會令愛我的人失望。」
其實早兩個星期前他已經不停與朋友慶祝，他表示已經很多年沒有大搞生日會，反而喜歡每次人少少，可以靜靜地談天說地，早前有五位靚女相約他慶祝，分別是名媛何倍倩（Anina）、陳君宜、周黃泳霖、傅明憲和模特兒陳祉妤，他說：「今次係Anina做搞手，佢齊集咁多人，又訂枱又訂蛋糕，嗰時佢仲喺波士頓返緊學，因為佢讀緊碩士課程，呢個朋友真係唔話得。其實佢哋個個都鍚我，所以我揀咗佢哋每個人最鍾意嘅一種顏色嘅花送畀佢哋，邊個女人唔鍾意收花？個個都貪靚㗎嘛！」早年患上焦慮症的他，他說生日願望就只要身體健康，他說：「好好笑，啲朋友反而祝我遠離小人，焦慮症需要保持心景開朗，因為一焦慮就令我頭痛和血壓高，呢段時間，好多小人，每一次呢啲唔開心嘢，就令我血壓上升，所以佢哋呢排都講笑叫我遠離小人，才會身體健康。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|