佐敦帶住巨肺號馬拉松跑唔完，警察代勞過終點。
英國巨胸模特兒女星佐敦（Katie Price）昨日為英國肺部基金籌款而跑倫敦馬拉松，而一向出名標奇立異的佐敦更揹住巨肺道具去跑42km的賽事，不過跑到10至15km左右，39歲的佐敦卻因膝蓋受傷而冇法完成，最後由警員代勞揹住個「巨肺」踩單車過終點！
查實佐敦今次號馬拉松出自好意，由於母親Amy去年不幸患上特發性肺纖維化（ idiopathic pulmonary fibrosis）因而令女兒發起跑馬拉松為英國肺部基金籌款。之前她更表明就算係「爬」都要完成賽事。而有網友批評佐敦訓練不足導致未能完成馬拉松籌唔到錢，亦有網友指佐敦跑馬拉松係宣傳技倆，事後佐敦就發文反駁：「我之前有為馬拉松而訓練，以重型道具之下盡我全力。對我嚟講，令我母親驕傲先係最重要。」而佐敦母親都有在社交網留言支持女兒，她說：「我只係想講我幾咁為我女兒佐敦跑馬拉松而驕傲。佢或者未能完成，但佢已令好多人關注英國肺部基金。」
查實2009年佐敦亦因膝蓋及心臟問題而帶傷完成倫敦馬拉松。
來源 source: http://hk.on.cc
|
鍾意就快D Share啦！
|
|
|