太極樂隊開騷喇！
太極樂隊在紅館的一連兩晚《歐洲坊呈獻太極交響狂熱演唱會》頭場開鑼。開場幾首慢歌之後，Patrick就叫觀眾企起身：「嗱，慢歌就係咁玩，輪到快歌，party來喇！ 大家企起身，奔放啲！」大部份觀眾隨即站立，又不時與Patrick合唱。之後Hifi德獨自在台上與管弦樂團合作Solo表演《Somewhere Over the Rainbow》，其他成員落台換衫。
太極樂隊換了第二套衣服上場後，Patrick準備唱《2030》前說道：「呢首歌係八幾年嘅時候出街，當時我都仲係後生仔，細細個唔明白點解要作一隻2030出嚟，當時覺得好奇怪，但係原來啲專家預算過2030係一個好特別嘅年份，佢哋預言人類有能力可以阻止龍捲風，除此之外仲有一樣嘢幾有趣，就係到時可以用3D技術打印啲食物出嚟，即係到時可能就食唔到親人或者太太煮嘅嘢食，所以大家要珍惜多啲親人煮嘅嘢食。」他們唱《2030》時有個搞笑小插曲，當時台上突然有噴煙效果，長髮的Hifi德同Joey的頭髮頓時一條條豎起，惹觀眾發笑。
唱完《正義勇士》之後，Joey帶來獨唱《每一句說話》，引得觀眾歡呼連連，又紛紛打開手機燈，營造一片燈海，並與Joey合唱，場面十分溫馨。連Patrick都忍不住說：「呢片感動嘅星空極之靚！」
隨後Patrick用普通話問有冇來自內地的朋友，觀眾紛紛應答，連台灣亦有，Patrick就表示要送上全晚唯一一首國語歌作為禮物，不過普通話水平一般的他講到「禮物」時要再三請教成員才講到，之後太極唱出國語歌《小雨落在我的胸口》。
來源 source: http://hk.on.cc
|
鍾意就快D Share啦！
|
|
|