【第37屆香港電影金像獎之新晉導演篇】現年45歲的杜汶澤，由公仔箱跳入大銀幕，打滾影圈18年，卻因為敢言撐佔中，令演藝事業受牽連。阿澤沒為五斗米折腰，反而憑電影《空手道》角逐明晚舉行的「第37屆香港電影金像獎」的新晉導演（詳見附表），他看淡結果，只驕傲拍了這部電影：「完全反映到冇受任何委屈，亦冇任何妥協。」當中唯一妥協是不夠成本，要刪改情節。
杜汶澤今年憑《空手道》爭新晉導演，對手有《29+1》的彭秀慧、《黃金花》的陳大利等，五個名字中，阿澤的名字見報率肯定稱冠。亞視藝員出身的他，機緣巧合於99年接拍林嶺東執導的《屍氣迫人》，在影圈打滾18年，演而優則導，前年於馬來西亞自編自導自演賀歲片《開飯》，直到今屆金像獎才獲提名新晉導演。
拍得真實
阿澤日前在黃竹坑受訪時坦言：「直頭覺得核突啦，我都45歲人，仲提名有個『新』字，好可怕，原島大地當年提名最佳新演員時得幾歲。今次提名名單，唔知係咪我最老，定彭秀慧老過我？睇佢個樣老過我。」可會覺得提名是贈興？他說：「咁都開心嘅，話你做得好嘛，我諗可能對手少、選擇少，我先有機會入圍。」他並不介意會否得獎：「獎項要畀有需要嘅人，攞完對事業好大幫助就好想攞，但我係唔會有分別。呢幾年見步行步，開心咗，冇咁多包袱，未來都係咁。」
所謂「知己知彼，百戰百勝」，阿澤卻沒興趣觀摩其他對手執導的電影，他說：「我喺飛機睇咗《29+1》，唔知氣流定乜嘢原因冇睇晒，好似眼瞓。」阿澤沒投票資格，如可以投票，他一定投自己：「《空手道》係我唯一有睇過嘅一部戲，我覺得部戲好多不足，亦真正反映我內心。如果部戲唔夠好，即係我唔夠好，我最驕傲嘅地方係我拍得好真實，完全反映到冇受任何委屈，冇任何妥協。」
拒絕和解
阿澤續說：「電影製作過程中冇妥協係好可怕，唯一妥協係成本唔夠，cut咗好多情節。我喜歡部戲夠簡潔，唔覺呢部係拍得好好嘅一套戲，但我覺得好驕傲拍咗呢部戲。」猶豫過後，他決定明晚踏上金像獎紅地毯：「責任嚟，唔係去緊一個你好想去嘅地方，唔係見到一班你好想見嘅人。我喺fb見到好多人貼導演會好開心啲相，同一班人，我好多人唔想見到，其實社會撕裂無法彌補、無法和解，我唔會選擇要去和解。」
問阿澤上台致謝辭時可會爆seed？他直言：「理應去準備，我唔去準備，當係善待自己方法。」更指萬一遺漏了答謝朋友，大可回家後透過社交網更新名單補數。此外，阿澤前晚於fb貼出為金像獎場刊撰寫的文章，自爆當年上位時為錢拍戲，「直到佔領事件之後，我幾乎失去了一切，產量由每年主演七、八部戲，下跌到一年一部。」又謂拍攝《空手道》得到了金錢以外的滿足感。
採訪：陳杰
化妝：Anita Lo
|
鍾意就快D Share啦！
|
|
|