羅啟聰就話自己要寄情音樂，想靜一靜。
歌手羅啟聰（K.I.S.）與同公司的樂隊sp'ACE到銅鑼灣參與廣東話音樂會，K.I.S.坦言較少做戶外騷，希望可以再試：「我哋Jam咗張國榮嘅《大熱》，夾得好High！」K.I.S.形容sp'ACE的歌曲不時帶出青春訊息，笑言跟自己一樣。至於早前成立了樂隊InSpring，K.I.S.稱忙於製作歌曲派台：「大家一齊創作，同方樹樑合作，歌曲有啲Band Sound感覺，打算造多啲歌出EP。」
說到最近跟中學生Jam歌，他大讚對方很叻：「佢哋上網學樂器，又會互相教大家，好想將佢哋嘅作品擺上社交平台。」問到是否因為早前失戀而寄情音樂？K.I.S.直言絕對是，暫時未想接受新戀情，想靜一靜：「呢個係每個人嘅必經階段，我都感激有呢個機會有多啲感受。」他認為在香港造音樂很難，自己試過眾籌出碟但失敗，又試過住在劏房近一年：「冇窗，頂唔順，個人好似收埋咗咁。」
而sp'ACE受訪時提到早前擔任黎瑞恩（小恩子）紅館騷的嘉賓，主音Ray指各成員都非常興奮、感動，很感恩有機會享受這過程，但Ray在慶功時很快就被灌醉：「我哋啱啱錄好新歌，希望4月尾派台。同埋如果年尾開得成演唱會，小恩子話會做番我哋嘅嘉賓！」
來源 source: http://hk.on.cc
|
鍾意就快D Share啦！
|
|
|